ЯҢАЛЫКЛАР

2019 елда иң өстенлекле тармакларның берсе – “Авыр тормыш хәлендә калган балалар өчен гаиләне саклап калу”. 24 октябрь көнне Яр Чаллы шәһәренең Асылташ балалар һәм яшүсмерләр  социаль приюты базасында социаль куркыныч һәм авыр тормыш хәлендә калган 2 гаиләдәге балалар һәм яшүсмерләр өчен социаль хезмәтләрдән файдаланучыларның шәхси карталарын үтәү мониторингы буенча ведомствоара социаль консилиум үткәрелде.

Наркотиклаштыруны профилактикалау һәм сәламәт яшәү рәвешен формалаштыру буенча эш кысаларында «Веста» үзәге психологы Наталья Емельянова «Туган кешеләр» клубында «Тормышка тәм» дигән дәрес үткәрде.

Бүген Буа өлкәннәр һәм инвалидлар өчен интернат-йортына хезмәт терапиясе дәресенә күбәләкләр очып килде.

Татарстан Республикасы Хезмәт, халыкны эш белән тәэмин итү hәм социаль яклау министырлыгының “Яр Чаллы шәһәре” шәһәр округындагы “Доверие” халыкка социаль хезмәт күрсәтү  комплекслы үзәк” дәүләт автономияле социаль хезмәт күрсәтү учреждениесе мәгълүмати очрашулар үткәрүне дәвам итә.

             23 нчы сентябрь көнне «Тукай муниципаль районы «Шәфкать» халыкка социаль хезмәт күрсәтү үзәге гаилә һәм балаларга социаль ярдәм күрсәтү бүлекчәсе социаль педагогы Айгуль Салимова һәм психолог Ләйсән Насыйрова Яр Чаллы шәһәре “Асылташ балалар һәм яшүсмерләр өчен социаль приюты” базасында Зылевалар  гаиләсе белән "Гаилә хәм гаилә кыйммәтләре" дигән темага әңгәмә уздырды.

«Асылташ» балалар һәм яшүсмерләр өчен социаль приютында балаларга карата мәрхәмәтсез карашны кисәтү буенча эш кысаларында «Игелек дөньясы» дигән дәрес узды. 

23 нче октябрьдә эшче һөнәрләр елы кысаларында Бөгелмәнең мөмкинлекләре чикле балалар һәм яшүсмерләр өчен «Яңарыш» тернәкләндерү үзәгендә «Һөнәр» дигән темага кроссвордлар конкурсына йомгак ясалды.  

     Командада эшли белүне үстерү, иптәшләргә ярдәм итү, үз теләкләрен уртак мәнфәгатьләргә буйсындыру максатларында, Баулы муниципаль районындагы «Милосердие» халыкка комплекслы социаль хезмәт күрсәтү үзәге белгечләре Газыйева Гүзәл һәм Сөләйманова Айгөл 2019 елның 22 октябрендә 5 нче урта гомуми белем бирү мәктәбе базасында «Брейн-ринг» интеллектуаль уены үткәрде.

Читалия  иле

«Читалия иле"н сез дөньяның бер генә картасында да тапмассыз. Әмма ул безнең һәрберебез белән янәшәдә генә. Бу - китапханәләр, аларда бик күп - кечкенә һәм зур, бик калын һәм бик юка китаплар яши.

Шушындый  илгә - балалар китапханәсенә (МБС №14 филиалы)  23 октябрьдә Яр Чаллының «Солнышко» мөмкинлекләре чикле балалар һәм яшүсмерләр өчен тернәкләндерү үзәге  балалары чакыру алдылар.  Китапханәче Павлова Н. Ю.әдәби күзаллауны киңәйтү, китапларга карата кызыксынуны үстерү максатыннан «Солнечная светлость книжной премудрости» дип исемләнгән танып-белү чарасы үткәрде.

Китап геройлары белән бергә балалар әкият һәм маҗаралар иленә юл тоттылар, табышмаклар чиштеләр, балалар язучылары әсәрләре буенча викторинада катнаштылар. Зур кызыксыну белән алар китапны барлыкка килү тарихы турында фильм карадылар. Китапханәче сөйләвеннән кеше күтәрә алмаслык бик зур китаплар   һәм мәк орлыгының ике яртысында урнаштырылан иң кечкенә китап (0, 07х0,09 мм) барлыгын белгәч, бик гаҗәпләнделәр.

Чара ахырында балалар, һичшиксез, бирегә кабат киләчәкләрен әйттеләр, чөнки китапханәдә якты һәм уңайлы, бик игелекле хезмәткәрләр эшли, бик күп яхшы һәм кызыклы китаплар бар.

2019 елның 24 октябрендә Яр Чаллы шәһәренең «Асылташ» балалар һәм яшүсмерләр өчен социаль приюты базасында ведомствоара социаль-тернәкләндерү консилиумы узды.