ЯҢАЛЫКЛАР

  Көтеп алынган Яңа ел каникуллары узып та китте. Алда иң озын уку чиреге көтә. Әлеге чирек безнең балалар өчен уңдырышлы булсын иде дигән теләктә калабыз.

   Каникул дәвамында приютта нинди генә бәйрәмнәр, бәйгеләр уздырылмады, ләкин шулай да иң күңеллесе ак кар белән ябынган тау битендә чана, чаңгы шуу булды. Чана-чаңгылар җилдереп таудан тошеп китә. Биткә салкын җил, кар бөртекләре сыланып кала. Кышкы суык бит урталарын алсуландырса да, гөрләп уйнаган бала чаганы туңдыра алмады. Балалар тирләп-пешеп уйнауларын белделәр. Чана, чаңгы, коньки сабый чакта иң кызыклы кышкы уеннар. Конькида шуу өчен балалар тәрбиячеләр җитәкчелегендә Лесхоз бистәсенең боз сараенда булдылар. Матур музыка аяк астында чыңлап торган боз аларның күңелен күтәрде, тәннәренә сихәт бирде.

Тик безнең приют балалары вакытларын уйнап кына уздырмадылар: өлкәннәргә кар чистартырга булыштылар, ветераннарга дә ярдәм иттеләр (каралты-кураларны кардан арындырдылар).

«Кышкы уеннар»

12 гыйнвар көнне «Гнездышко» приютында «Колобокны эзләп» мавыктыргыч музыкаль сәяхәт узды.

11 гыйнвар көнне Иске Дөреш авылында яшәүче Мөхәмәтшиннар гаиләсе алтын туйлары уңаеннан котлаулар кабул итте.  

11 январь 2019 ел, җомга

“Астра” тернәкләндерү үзәгендә “Табигать иленә сәяхәт” дип исемләнгән шөгыль үткәрелде.

2018 нче елның 11 январендә “Изгелек” үзәгенең гаилә һәм балаларга социаль ярдәм күрсәтү бүлекчәсе белгечләре мәдәни-спорт үзәгендә физик мөмкинлекләре чикле балалар өчен “Теләкләр чыршысы” дип исемләнгән яңа ел чарасы уздырдылар. Авыр диагнозлы 11 бала Әтнә районы башкарма комитеты, социаль ярдәм бүлеге, спорт һәм яшьләр эшләре бүлеге һәм Казан шәһәренең “Наз” хәйрия фонды тарафыннан оештырылган бәйрәмгә килделәр. Бәйрәмдә балалар Кыш Бабай һәм Кар Кызы белән очраштылар, аларга үзләренең иҗади һөнәрләрен күрсәттеләр. Хәйриячеләр балаларның открыткада язган теләкләрен чынга ашырып, бүләкләр тапшырдылар. 

      Социаль куркыныч хәлдә теләсә кайсы гаилә калырга мөмкин, чөнки социаль проблемалар бик күп: яшәү шартлары авыр булу, эш урыннары булмау, ир белән хатын арасында конфликтлар һәм башкалар. Бу гаиләләр зур игътибар таләп итәлэр. Социаль педагогның төп бурычы булып аларны имин булмаган хәлдә калдырмас өчен, мөмкин кадәр иртәрәк бу категория гаиләләр белән профилактик эшне башлап җибәрү тора.

    2019 елның 11 гыйнвар көнендә, «Родник» халыкка социаль хезмәт күрсәтү буенча комплекслы үзәгенең гаиләгә һәм балаларга социаль ярдәм күрсәтү бүлеге специалисты гаилә имин булмавын кисәтү испекторы белән берлектә социаль яктан куркыныч гаиләләргә бардылар. Әти-әниләр һәм балалар белән янгын куркынычсызлыгы  буенча инструктаж үткәрделәр.

Кышкы каникуллар вакытында Әлки муниципаль районында «Забота " халыкка социаль хезмәт күрсәтү үзәгенең гаиләгә һәм балаларга социаль ярдәм бүлекчәсе белгечләре ведомство учетында торучы балигъ булмаган балаларның максатчан төркеме белән «Игелекле каникуллар» акциясе оештырдылар.

11  нче гыйнвар 2019 нчы ел, җомга

“Изгелек” инвалидларны тернәкләндерү үзәгендә физик культура дәвалау инструкторы Ләйсән Зиянгирова «Кышкы уеннар» дигән спорт -күңел ачу чарасы үткәрде.