ЯҢАЛЫКЛАР
"Буыннар авырулары һәм аларны профилактикалау"
2018 нче елның 3 нче декабрендә «Ата-аналар университеты» технологиясе кысаларында «Веста» Үзәге социаль педагогы Марта Камалова социаль хезмәт күрсәтүдә торучы 6 ата-ана өчен «Тәрбия ысуллары һәм стилиләре» дигән төркемле дәрес үткәрде.
2018 елның өченче декабрендә, «Тылсым» халыкка комплекслы социаль хезмәт күрсәтү үзәге директоры Мөбәрәкова Нурсия Минивәкил кызы, социаль эш буенча белгече Кашапова Дамира Радик кызы Зур Кукмара авылында яшәүче социаль хезмәтләрдән файдаланучы Даутова Әминә Василий кызын сиксән яшьлек юбилее белән котлап истәлекле бүләк тапшырдылар.
4 нче декабрь 2018 нче ел, сишәмбе
«Изгелек» инвалидларны тернәкләндерү үзәгендә психолог Чулпан Галләмова «Шәһәрнең киләчәге» дигән темага чара үткәрде.
Чараның максаты: коммуникатив осталыкны үстерү, эмоциональ мөмкинлекне киметү.
Ком терапиясен кулланганда, кеше үзенең дөньясын комнан фигуралар ясап аңлата. Ком терапиясенең үзенчәлеге - кеше кинәт башына килгән уйларны фигуралар аша чагылдыра алудан тора. Ком терапиясенең географиясе бик киң: таулар яки тигезлек, күлләр яки сазлыклар, шулай ук үз картиналарыңны кешеләр, хайваннар, биналар һәм башка фигуралар белән тулыландырырга мөмкин.
Чарада социаль хезмәт алучыларга киләчәк шәһәрне төзергә дигән бирем бирелде. Төркем, психолог ярдәменнән башка, мөстәкыйль рәвештә бу мәсьәләне үтәде. Фикер алышу барышында һәр катнашучы төркемдә үзен ничек хис итүе, үзара хезмәттәшлекнең яңа ысулларын тормышка ашыра алуы белән уртаклашты.
Нәтиҗәдә, социаль хезмәт алучылар күңелдә булган шом, борчулардан арынып, уңай эмоция һәм яхшы кәеф алдылар.
Чарада 6 кеше канашты.
1 декабрьдән “Чистай шәһәренең картлар һәм инвалидлар интернат-йорты “Юлдаш”та физик мөмкинлекләре чикләнгәннәрнең декадасы башланды. Ул 10 декабрьгә кадәр дәвам итәчәк.
Интернатта декаданы “Могҗизалар кыры” интеллетуаль уены белән ачып җибәрделәр. Әлеге чара Бөтендөнья инвалидлар көне уңаеннан оештырылды. Бәйрәмгә Иван Онюшкин җитәкчелегендәге “Верба” ансамбле дә чакырулы иде. Барысы да Россия телеканалындагыча булды: әйләнә торган барабан да, призлар да, уенчылар өчлеге дә, җиңел булмаган сораулар һәм суперприз да. Өч турда өч кеше җиңеп чыкты. Уенның җиңүчесе итеп Маркушина Зоя табылды.
Чарада катнашучылар Яңа ел бәйрәменең килеп чыгуы, тарихта нинди шәхесләрнең бу бәйрәмнең оештыруына зур өлеш кертүләре, Яна ел бәйрәмен кайсы илдә ничек каршылаулары турында бик күп мәгълүмат ишеттеләр. Тәнәфес вакытында залда утыручы социаль хезмәтләрдән файдаланучылар Иван Онюшкин җитәкчелегендәге “Верба” ансамбле башкаруында бик матур музыкаль композицияләре тыңладылар.
Югары Ослан өлкәннәр һәм инвалидлар өчен интернат-йортында мөмкинлекләре чикләнгән кешеләргә аерым игътибар көненә багышланган концерт булып узды.
Алабуганың «Доверие» халыкка социаль хезмәт күрсәтү үзәге белгечләре инвалидлар декадасы кысаларында ел саен үткәрелүче «Күңел җылысы» дигән хәйрия күргәзмәсендә катнашканнар. Күргәзмә Алабуга районы Советы бинасы фойесында урнаштырылды.
Халыкка социаль хезмәт күрсәтү үзәге белгечләре - бәйләнгән әйберләр, күлмәкләр, шәһәрнең танылган кешеләре турында китаплар алып бардылар. Һәр иҗади эш аны булдырган кеше күңеленең бер өлешен саклап кала алды, биредә теләгән һәркем үзләренә ошаган әйберне кулай бәядән сатып ала алды.
Шәһәрнең башка социаль учреждениеләре һәм оешмалары вәкилләре дә үз эшләнмәләрен тәкъдим иттеләр. Сатудан кергән акча авторларга тапшырылачак.
3 декабрьдә Халыкара инвалидлар көнен үткәрү инвалидлар проблемаларына игътибар җәлеп итүгә, аларның абруен, хокукларын һәм иминлеген яклауга юнәлдерелгән.
Һәр ел саен әлеге көн кысаларында үткәрелә торган чаралар билгеле бер темага багышлана.
Быел ТР Хезмәт, халыкны эш белән тәэмин итү һәм социаль яклау министрлыгының Лениногорск муниципаль районындагы «Исток-Башлангыч» халыкка социаль хезмәт күрсәтү үзәге социаль хезмәткәрләре «мөмкинлекләр чикләнгән ,сәләт – чиксез» темасына кагылып үтелде.