ЯҢАЛЫКЛАР

Халыкара инвалидлар көне кысаларында мөмкинлекләре чикләнгән кешеләр категориясенә кергән социаль хезмәт алучылар игътибардан читтә калмады. Татарстан Республикасы Хезмәт, халыкны эш белән тәэмин итү һәм социаль яклау министрлыгының Сарман муниципаль районындагы «Шәфкать» халыкка социаль хезмәт күрсәтү комплекслы үзәгенең өйгә йөреп социаль хезмәт күрсәтү бүлегенең социаль хезмәткәрләре аларның өйләренә барып, чын бәйрәм оештырдылар. Җавап итеп ирешкән җылы рәхмәт сүзләре, безнең өчен иң зур бүләк булып иреште. Аларга күңел күтәренкелеге һәм якын кешеләренең ярдәмен тоеп яшәүләрен телибез.

Бүген сугыш ветераны Вакил Гильмутдинов үзенең гомер бәйрәмен билгеләп үтте. Туган көне уңаеннан Тукай районы башлыгы Фаил Камаевтан, җирле үзидарә башлыгы Эльмира Низамиевадан, социаль яклау бүлеге башлыгы Эльмира Ахуновадан, “Шәфкатъ” социаль хезмәт күрсәтү үзәге хезмәткәре Фәнүзә Зариповадан котлаулар кабул итте.

Юмарт сишәмбе 2019 елның 3 декабрендә «Радуга "халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә #Щедры сишәмбе".  

«Изгелек» инвалидларны тернәкләндерү үзәгендә, үзәк белгечләре инвалидлар декадасы кысаларында «Ачык ишекләр көне» дигән чара оештырдылар.

Инвалидлар декадасы кысаларында Питрәч муниципаль районының күп кенә авыл җирлекләрендә мөмкинлекләре чикләнгән кешеләр өчен күп кенә чаралар, концертлар, очрашулар узачак. 

  3 декабрь көнне  район мәдәният йортында "Дөнья яхшылыклардан тора" диеп исемләнгән чараны Балык Бистәсе муниципаль  район Башлыгы Таҗетдинов Илдар Рәшит улы ачып җибәрде:

 - Без Халыкара инвалидлар көнен билгеләп үтәбез. Бу көн - мөмкинлекләре чикләнгән кешеләргә аерым игътибар бирү, аларның хокукларын яклау, тормыш эшчәнлеге өчен уңай шартлар тудыру өчен тагын бер сәбәп. Бүген без мөмкинлекләре чикле кешеләр үзләренең талантларын һәм сәләтләрен тормышка ашырырга, күңелләренә эш табарга, тулы канлы тормыш белән яшәргә, үзләрен кирәкле һәм хәзерге дөньяда кирәкле кешеләр итеп хис итәргә тырышабыз. Бу көн якты һәм шатлыклы, елмаюлар һәм күтәренке кәеф белән тулы булсын. Барыгызга да киләчәккә ышаныч, якыннарыгызның һәм туганнарыгызның игътибары һәм игелеге, гаиләләрегездә иминлек, үзара аңлашу һәм тынычлык телибез! Мөмкинлекләре чикләнгән кешеләр концерт номерлары әзерләгәннәр, алар озак алкышлар белән үрелеп барды.

2019 елның 3 декабрендә Инвалидлар декадасы кысаларында «Чирмешән картлар һәм инвалидлар интернат-йортында» балалар сәнгать мәктәбе укучылары һәм укытучылары тарафыннан оештырылган "Игелек күп булсын" дип исемләнгән бәйрәм концерты узды.

2019 нчы елның 3 нче декабрендә Тукай районы Башкарма комитетында балигъ булмаганнар, шул исәптән ата-аналары алимент түләүдән баш тарткан инвалид балалар белән гаиләләргә хокукый ярдәм күрсәтү өчен бердәм кабул итү көне оештырылды.

Бүгенге көндә “Шәфкатъ” социаль хезмәт күрсәтү үзәгенең өйдә хезмәт күрсәтү булекчәсендә 59 мөмкинлекләре чикле кеше исәпләнә. Аларның һәрберсе социаль хезмәткәрнең ярдәмен, җылы карашын тоеп яши.

2019 елның 3 декабрендә,  инвалидлар ункөнлеге кысаларында,  «Ашыт» мәдәни-спорт үзәге базасында Әтнә районы инвалидлары Россиянең атказанган спорт мастеры, Паралимпия уеннары чемпионы һәм көмеш призеры Полякова Ирина һәм  "Республика спорт-адаптив мәктәбе"  директоры Фарида Сафиуллина белән очрашты.Чараның беренче өлеше түгәрәк өстәл форматында узды. Инвалидлар һәм үзенчәлекле бала тәрбияләүче ата-аналар чемпионга терәк-хәрәкәт системасы зарарланган спортчыларның  карьера үзенчәлекләре турында үзләрен кызыксындырган сорауларны бирә алдылар. Спортчы, үз чиратында, үзенең спорт дөньясындагы уңышка илткән юл тарихы һәм югары нәтиҗәләргә ирешү мотивациясе белән уртаклашты. Икенче өлештә катнашучылар ике командага бүленеп, “Күңелле стартлар»да көч сынаштылар.

Әлеге очрашу катнашучыларга күтәренке кәеф бүләк итеп кенә калмыйча, тормышка мотивация биреп, дөньяга башка күзлектән карарга мәҗбүр итте.