ЯҢАЛЫКЛАР

Бөек Ватан сугышында җиңүнең җитмеш өченче елын каршы алу алдыннан «Тылсым» халыкка комплекслы социаль хезмәт күрсәтү үзәгенең өйгә йөреп  социаль хезмәт күрсәтү бүлекчәсе  хезмәткәрләре  тыл хезмәтчәннәрен балалар белән очраштырдылар.

Очрашуның максаты- хәзерге буын балаларына патриотик тәрбия бирү, сугыш чорын узган өлкәннәргә хөрмәт күрсәтү,  тарихи хәтирәләргә һәм Ватанны саклаучыларга яхшы мөнәсәбәттә булу.

Ветераннар белән очрашу традициясе Җиңү бәйрәме алдыннан ел саен үткәрелә. Очрашу вакытында  ветераннар белән хәрби тематикага, сугыш вакытында алар ничек яшәгәне һәм эшләгәне турында әңгәмәләр үткәрелә, күчтәнәчләр тапшырыла.

Мондый очрашулардан соң безнең ветераннарның кәефләре күтәрелә, алар үзләренең хәзерге буынга кирәклекләрен тоялар.

Һәр илнең, һәр халыкның да озак вакытлар дәвамында ел саен үткәрелә торган үзенең төп бәйрәме бар. Россиянең дә шундый бәйрәме бар. Бу Җиңү Көнен, ул 9 майда билгеләп үтелә.

Теге яки бу вакыйга турында сөйләүче символлар бар. Менә инде күп ел рәттән Җиңү символы буларак георгий тасмасы кулланыла. Аны Россия шәһәрләре урамнарында бәйрәм алдыннан тараталар, аны автомобиль антенналарына һәм сумкаларга бәлиләр. «Чистай муниципаль районындагы «Балкыш» халыкка комплекслы социаль хезмәт күрсәтү үзәге» социаль хезмәт күрсәтү дәүлэт автоном учреждениесе социаль педагоглары да әлеге традициядән читтә калмады һәм 2018 елның 27 апрелендә халыкка георгий тасмалары тараттылар  һәм аларны ничек киеп булганлыгын аңлаттылар.

«ДоброГод» акциясе кысаларында  Бөек җиңүнең 73 еллыгы уңаеннан өйгә барып социаль хезмәт күрсәтү бүлекчәсе социаль хезмәткәре Тәслимә Хасанова һәм медицина хезмәткәре Гөлшат Абдуллиналар карамактагы тыл ветеранының өендә очрашу үткәрделәр.

             27 апрель 2018 ел

           23-29 нче апрельдә Европа иммунизации атналыгы үткәрелә. Бу атнада бөтен дөньяда төрле чаралар үткәрелә. Яңа Чишмә өлкәннәр һәм инвалидлар интернат – йортында яшәүчеләр өчен чаралар узды: өлкән шәфкать туташы Ольга Шилова «Защити себя и своих близких! Сделай прививку!” дигән презентация күрсәтте, шәфкать туташы Елена Черняк “Европада иммунизации атналыгы» дигән сәламәтлек почмагы ясады, «Я говорю вакцинации «Да»!»  презентациясе белән  Роспотребнадзор әйдәп баручы белгеч-эксперты Мостафина Гөлфирә чыгыш ясады, кызыксындырган сорауларга җавап бирде.

Салкын кыш үтеп, яз җиткәч, халкыбыз бөек Тукайның туган көнен билгеләп үтә. Һәр ел саен мәктәпләрдә сөекле шагыйребез иҗатына багышлап, әдәби кичәләр уздырыла. Иң зур бәйрәм- республикабыз башкаласы Казан шәһәрендә була. Ул күп меңләгән халык катнашында шигырь бәйрәме итеп үткәрелә.

26 апрель көнне “Чистай шәһәренең картлар һәм инвалидлар интернат-йорты “Юлдаш”та  бөек Тукаебызга багышланган “Безнең күңелләрдә син, Тукай!” исемле күркәм кичә булып узды. Әлеге чара татар теле һәм урыс телендә алып барылды. Ул Габдулла Тукайның иҗаты һәм тормыш юлы белән танышу формасында үтте. Кичәдә катнашучылар аның тормышын яктырткан видеоязма аша бик күп кызыклы фактлар белән танышты. Кичә шигырьләр белән үрелеп барылды. Тукаебызга багышланган бәйрәм кичәсе “Туган тел” җыры белән йомгакланды.

Бөтендөнья сәламәтлек оешмасы инициативасы белән 23-29 апрельдә еллык, киң масштаблы акция – Европа Иммунизация атналыгы үткәрелә. Аның максаты – иммунизациянең әһәмиятен аңлап, вакцинацияләнүне арттыру; бу эшкә хакимиятнең, бизнес һәм җәмгыять оешмаларының игътибарын җәлеп итү.

Мәҗбүри вакцинацияне, авырган очракта, тирә – юньгә куркыныч тудыручылар: җәмагать туклануы, белем һәм сәламәтлек саклау системасында эшләүчеләр үтә.

27 нче апрель көнне Югары Утар акылга зәгыйфь  балалар йорты-интернатының «Шәфкатьлелек» бүлегендә тәрбияче Яруллина Р.Р. балалар белән «Яз нинди төстә?» темасына әңгәмә алып барды.

27.04.2018 г. юрисконсультом учреждениесе аплату буенча мәгълүмат бирү турында яшәүче социаль пакете турында начар нәтиҗәләрен социаль хезметлер дыелмасыннан баш тарту.

“Мәрхәмәтлелек елы” ирекле акциясең “Изге гамәлләр көне” кысаларында  бүген “Чистай шәһәренең картлар һәм инвалидлар интернат-йорты “Юлдаш”та реабилитация бүлеге белгечләре, медицина училищесының студент-волонтерлары белән берлектә “Игелек кылырга ашыгыйк!” исемле концерт программасы күрсәтелде. Кичәдә күңелне тетрәндергеч салмак көйләр дә, йөрәкләрне җилкендереп җибәргән шаян җырлар да яңгырады. Киләчәк буынның  шундый мөгалләмәсен күреп интернатта тәрбияләнүчеләрнең күңелләре тулды. Биредәгеләрнең кәефләрен күтәреп, язгы көч, рух алып килгән волонтер оешмасына рәхмәтләрен белдерделәр.

“Изге гамәлләр көне”н дәвам итеп, тагын бер күркәм чара узды. Интернат-йортта тәрбияләнүчеләр өчен шахмат турниры үткәрелде. Әлеге бәйгегә “Юлдаш” интернат-йорт тирәсендә яшәүче Бөек Ватан сугышы ветераны  Нәкыйп Мөбәрәкшин улы Хәйруллин да чакырулы иде. Турнирда катнашучылар бер-берсе белән аралашудан бик канәгать калдылар. Нәкыйп Мөбәрәкшин улы исә буыннар арасындагы бәйләнешнең киләчәктә дә өзелмәвен теләде.  Берничә партия нәтиҗәләре буенча абсолют җиңүче булып  Нәкыйп Мөбәрәкшин улы билгеләнде. Турнирны йомгаклап, очрашу чәй өстәле артында дәвам итте. Сый-нигъмәттән авыз итәргә, интернатта тәрбияләнүче тыл ветераннары да чакырулы иде. Бергә-бергә аралашып, чатнап торган яшьлек елларын да, соңрак дәһшәтле сугыш еллары белән үрелгән тормыш юлларын да искә алдылар. Очрашу күңелле һәм күтәренке кәефтә узды.

27 апрель көнне 2018 елны «Баулы  өлкәннәр һәм инвалидлар өчен интернат»нын шәфкать туташы  Костина Т.В.  Европа  иммунизациия атна кысаларында  «Профилактик прививка үткәрүнең кирәклеге турында » лекция укыды.