ЯҢАЛЫКЛАР
21 февраль 2021 елда «Забота» приюты тәрбиячесе Лифанов Виктор Владимирович мәктәпкәчә яшьтәге балалар белән (8 бала) балаларның тормыш иминлеге нигезләре буенча белемнәрен гомумиләштерү максаты белән куркынычсызлык кагыйдәләре буенча «Һәркем белә: куркынычсызлык - бу мөһим!» дигән викторина үткәрде.
Бурычлар:
- уен формасында балаларның тормыш иминлеге нигезләре буенча белемнәрен тирәнәйтү һәм ныгыту;
- хәтерне, зирәклекне, тапкырлыкны, иҗади активлыкны, зирәклекне үстерү;
- дусларча мөнәсәбәтләр, җаваплылык һәм командада үзара ярдәмләшү хисе тәрбияләү;
- ярыш характерындагы уеннарга карата кызыксыну уяту.
20.02.2021 елда приют стеналарында гражданлык-ватанпәрвәрлек культурасын формалаштыру, бер-береңә хөрмәт белән карау максатыннан Ватанны саклаучылар көненә багышланган бәйрәм концерты узды. Бәйрәмдә мәктәп яшендәге һәм мәктәпкәчә яшьтәге балалар катнашты.
17 - 23 февральгә кадәр узган "Мин хәтерлим" акциясе кысаларында «Наз» халыкка социаль хезмәт күрсәтү үзәге социаль хезмәткәрләре сугыш елларының авыр кайгыларын кичергән социаль хезмәт алучылар белән әңгәмә-хатирәләр үткәрделәр, Бөек Ватан сугышы виртуаль музеенда Татарстан Геройлары батырлыклары белән таныштырдылар. Сугыш ветераннары солдатларның алдынгы батырлыгы, гади халыкның тылдагы фидакарьлеге турында сөйләделәр.
Татарстан Республикасында социаль ярдәмгә мохтаҗ балалар тәрбияләүче гаиләләргә социаль ярдәм күрсәтүнең нәтиҗәле практикаларын үстерү буенча чаралар комплексын тормышка ашыру эше кысаларында 2021 нче елның 18 нче феврале көнне Түбән Каманың «Веста» үзәгендә социаль эш буенча белгеч Миләүшә Авзалова «Чәч төрләре һәм аларның төзелеше. Чәч һәм баш тиресе авырулары» дигән төркемле дәрес уздырды. Максаты: чәч төзелеше турында белем бирү, белергә иң киң таралган чәч һәм тире авырулары, дәвалау алымнары турында мәгълүмат бирү.
Арчаның «Өмет чаткысы» балалар тернәкләндерү үзәгендә сәламәтлекне саклау технологияләренә зур игътибар бирелә, алар балаларның сәламәтлеген сакларга, ныгытырга, хәрәкәт активлыгын үстерергә һәм координацияләргә, физик чыдамлыкка ярдәм итә.
Җәлил картлар һәм инвалидлар йортында Туган тел көненә багышланган чара узды.
2021 елның 22 февралендә, Тубылгы Тау авылында яшәүче, социаль хезмәт алучы,тыл хезмәткәре Исмагилова Зәйнәп Исмәгыйль кызы үзенең 90-яшьлек юбилеен билгеләп үтте. Аны шундый истәлекле гомер бәйрәме белән “Кайгырту” үзәгенең социаль эшләр буенча белгече котлап, нык сәламәтлек, озын гомер, җан тынычлыгы теләп калды.
"Кар десанты " акциясе кысаларында социаль хезмәткәрләр социаль хезмәт алучыларның йорт территориясен, өй түбәләрен кардан чистарттылар.
23 февраль бәйрәме безнең приютта-балаларда патриотизм хисе тәрбияләү, Ватаныбызның иң яхшы традицияләренә якынаю, балаларда Ватанны өчен горурлык формалаштыру.