Югары Утар акылга зәгыйфь булган балалар йорты-интернатында “Зур сугышның кечкенә каһарманнары ” дип исемләнгән ватанпәрвәрлек дәресе

2021 нче елның 23 февралендә Югары Утар акылга зәгыйфь булган балалар йорты-интернатында тәрбияче Хәбибуллина Г.Р. тарафыннан “Зур сугышның кечкенә каһарманнары” дип исемләнгән ватанпәрвәрлек дәресе үткәрелде. Максат: - Бөек Ватан сугышы геройларына, Ватаныбызның үткәненә ихтирамлы мөнәсәбәт формалаштыру. Бурычлар: - тәрбияләнүчеләрне Бөек Ватан сугышы елларында балаларның батырлыклары белән таныштыру; - тарихи вакыйгаларга һәм җирдә тынычлыкны саклап калган кешеләрнең язмышларына карата кызыксыну формалаштыру; ватанпәрвәрлек, фидакарьлек, Ватанны саклау теләге кебек сыйфатларга уңай караш формалаштыру; - балаларны ил тарихын өйрәнүгә, хәрби-ватанпәрвәр чараларда катнашырга өндәү. Алар бик тиз үсеп олыгайдылар. Сугыш башланганчы бу гади генә кыз һәм малайлар, бернинди кайгы белми, уйнап – колеп кенә яшәгән балалар иделәр. Аларның исемнәрен туганнары һәм дуслары гына белә иде. Сугыш-балалар эше түгел. Һәрвакыт шулай булды. Шулай булырга тиеш тә. Әмма бу сугыш үзенчәлекле булды. Шуңа күрә,ул Бөек Ватан сугышы дип атала да, бөтен ил — кече яшьтән алып зурга кадәр — яраткан Ватанын яклауга күтәрелә. Бу гади кызлар һәм егетләр нәни балалар йөрәгенең нинди афәтләргә каршы тора алырга мөмкин булуын, Ватанга карата изге мәхәббәт һәм аның дошманнарына карата нәфрәттә януын күрсәттеләр. Сугыш еллары афәтләре, бәла-казалары, авырлыклары алар җилкәсенә төшә. Алар бу авырлыктан курыкмадылар,ә көчлерәк, кыюрак һәм чыдамлырак булдылар. Без балалар белән кечкенә каһарманнарга багышланган презинтация һәм нәфис фильм карадык, портретлары белән таныштык. Еллар уза, дистәләрчә еллар алмашына. Әмма халкыбызның Бөек Ватан сугышында кылган батырлыгы мәңгегә тарихка язылып кала. Безнең Җиңү беркайчан да үлмәс... Без бу куркыныч тарих вакыйгаларын истә тотарга, ә яңа фаҗигаләрне ничек тә булдырмаска тиеш.