ЯҢАЛЫКЛАР
2018 елның 23 ноябрендә Арча «Мәрхәмәтлек үзәге" нең психологы Шәфыйкова И. И. социаль ярдәмгә мохтаҗ булган яшьүсмерләр белән Әниләр көненә карата котлау открыткалары үз куллары белән ясадылар.
Шушы көннәрдә, социаль технологияларны тормышка ашыру максатында өйгэ йөреп ярдәм күрсәтү бүлекчәсе социаль эш буенча белгеч Гәрәева М.М. чираттагы занятие үткәрде: «өлкән яшьтә юл хәлакәте һәм аны булдырмау чаралары». Социаль эш буенча белгеч хәлакәтнең төрләре, сәбәпләре турында сөйләде һәм бозлавыкта саклану чараларын кисәтте. Күп кенә өлкән кешеләр травманы узләре генэ булганда алалар. Шуның өчен өлкән кешеләргә һәм инвалидларга травматизм буенча киңәшләр һәм буклетлар таратылды. Социаль хезмәткәрләр үз чиратларында социаль хезмәт алучыларга аңлату эшләре алып бардылар.
27 нче ноябрь 2018 нче ел, сишәмбе
«Изгелек» инвалидларны тернәкләндерү үзәгендә психолог Чулпан Галләмова «#Юмартсишәмбе» дигән хәйрия кампаниясе кысаларында «Үз кәефем белән мин ничек идарә итә алам?» дигән темага мини - тренинг үткәрде.
Тренингның максаты: социаль хезмәт алучыларның кәеф үзгәрү сәбәпләре һәм үз кәефең белән идарә итү ысуллары турында белемнәрен актуальләштерергә.
Кәеф – билгеле бер вакыт дәвамында психик процессларны һәм кешенең үз-үзен тотышын чагылдыра торган гомуми эмоциональ халәт.
Чара тренинг темасына туры килгән риваятьләрдән башланды. Катнашучылар тренинг барышында кеше нинди кәефтә булуын ничек ачыклап була? – дигән сорауга җавап эзләделәр (кәефне хәрәкәтләр, кыяфәт, сын-гәүдә, кыланыш, куллар аркылы аңларга була). Психолог экспресс-сорау үткәреп, кемнең кәефе ничек икәнен ачыклады: белгеч төрле төстә карточкалар күрсәтеп, катнашучылар үзләренә туры килгән төскә кулларын күтәрделәр (кызыл төс – матур, яхшы кәефкә туры килә; яшел төс – тыныч, тигез кәефкә җавап бирә; кара – начар кәефкә туры килә). Соңыннан кәеф күтәрүнең җиңел ысулларына (яхшы дус белән сөйләшергә яки аңа шалтыратырга, яраткан музыкаңны кушарга һәм тыңларга, үзеңне тәмле ризык белән сыйларга, саф һавада йөрергә, яраткан эшең белән шөгыльләнергә) игътибар иттеләр.
Тренинг нәтиҗәсендә социаль хезмәт алучылар арасында дустанә мөнәсәбәт, ярдәмчеллек, үзара аңлашу атмосферасы барлыкка килде. Фикер алышу барышында яхшы кәеф булдыру өчен универсаль ысулга тукталдылар һәм ул – елмаю дигән нәтиҗә ясадылар.
Тренингта 12 кеше катнашты.
«Әдәби-музыкалҗ кичә “Хатын-кызга – Анага дан җырлыйк...”
“Җәлил картлар һәм инвалидлар йорты” эшчеләре ГТО нормаларын тапшырды.
Компьютерлар һәм смартфоннар теләсә кайсы гаиләдә сирәк күренеш түгел. Балалар, ата - аналар үрнәгенә ияреп, кечкенәдән үк гаджетлар белән кызыксына башлый. Тик менә «бөтендөнья пәрәвезенең» бер җитди җитешсезлеге бар: анда цензура юк диярлек. Ә социаль челтәрләрне мисал өчен алсаң, анда билгеле бер яшькә кадәрге балаларга бөтенләй керергә ярамый.
Мәктәпләрдә сүгенү сүзләренең таралуы бик зур. Һәр бала «текә булырга» һәм үзенең өлкән булуын расларга омтыла - нәкъ менә шул сәбәпле, хәтта кече сыйныф укучылары сөйләмендә дә (сыйныфташлары даирәсендә булса да) сүгенү сүзләрен актив кулланган берничә бала табарга була.
26.11.2018 елда “Чистай муниципаль районындагы «Балкыш» халыкка комплекслы социаль хезмәт күрсәтү үзәге” социаль хезмәт күрсәтү дәүләт автоном учреждениесе социаль эш буенча белгече Киямова Э. Р. хезмәт күрсәтүдә торучы гаиләләрдә тәрбияләнүче балигъ булмаган балалар өчен «Сүзнең көче яки яман сүзләрнең агуы» темасына профилактик дәрес үткәрде. Бу дәрестә балалар әлеге лексиканың килеп чыгышы белән таныштылар, алар фикеренчә, «текә» лексика куллану өчен нинди җәзалар бирелүен белделәр. Балалар, дөресен генә әйткәндә, күп кенә сүзләрне өлкәннәрдән һәм ата-аналардан ишетәләр, бу безгә сөйләм турында уйланырга мөмкинлек бирә!
Нәтиҗәдә, балигъ булмаган балалар үзләренең агачларын "яхшы сүзләр" белән үстереп, бик күп уңай эмоцияләр алдылар.
Хөрмәтле өлкәннәр! Безнең киләчәк турында уйланыгыз, балалар өчен чиста, мәдәни һәм дөрес телне саклап калыгыз!
“Җәлил картлар һәм инвалидлар йорты”нда әниләр көненә багышланган концерт
Ноябрьнең соңгы якшәмбесендә Россиядә Әниләр көне билгеләп үтелә. 27 ноябрь көнне «Гнездышко» приютында бу бәйрәмгә багышланган чара үткәрелде.
Республикабызда ел саен хәйрия эшчәнлеге мәсьәләләре буенча #Юмарт сишәмбе дигән республика акциясе үткәрелә. Быел да әлеге акция барышында Зәй муниципаль районының “Шатлык” Комплекслы халыкка социаль ярдәм күрсәтү үзәгенең гаилә һәм балалар белән эшләү бүлеге белгечләре, “Волонтерлар” ирекле хәрәкәте белән берлектә “Күңелле тарак”, - дип исемләнгән акция уздырдылар.