ЯҢАЛЫКЛАР
Тимершык авылының полиция участок инспекторы Гатин Марат Мөрсәлим улы Саба районы «Балкыш» халыкка социаль хезмәт күрсәтү узәгенең өйгә барып хезмәт күрсәтү бүлекчәсендә исәптә торган өлкәннәребез өчен «Сак булыгыз мошенниклар !" темасына аңлату әңгәмәсе үткәрде!» Чараның максаты булып өлкән яшьтәге кешеләрнең, инвалидларның көндәлек тормыш дәрәҗәсен күтәрү тора. Әңгәмә ахырында ул барлык белешмәләрне дә таратты.
«Хыял» балалар приютында тәрбияләнүчеләр район үзәк китапханәсендә булдылар, анда Л. Н.Толстойның тууына 190 ел тулуга багышланган «Кояш яктысы» дип исемләнгән әдәби сәгать узды.
12 декабрь көнне РФ Конституциясе көнендә ТР Хезмәт, халыкны эш белән тәэмин итү һәм социаль яклау министрлыгының Лениногорск муниципаль районындагы «Исток –Башлангыч» халыкка социаль хезмәт күрсәтү үзәге» белгечләре тарафыннан «Лениногорск политехник көллияте» ЛПК студентлары белән мәгълүмат сәгате үткәрелде.
2018 нче елның 12 нчы декабрендэ Югары Утар балалар йорты интернатында тәрбияче Шайхиева Елена инициативасы буенча «Россиянен символлары» дигэн темага энгэмэ уздырылды.
2018 нче елның 11 нче декабрендә хезмәт буенча инструктор Ольга Николай кызы Давыдова 12-16 яшьлек балалар белән дәрес уздырды. Аның темасы: «Тукыма кисәкләреннән чәйнек җылыткыч тегү» дип аталды.
Дәрестә 4 бала катнашты.
Дәреснең максаты: тукыма кисәкләреннән чәйнек җылыткыч тегәргә, машина җөйләрен башкару алымнарын эшкәртергә өйрәтү.
Сарман районы “Шәфкатъ” халыкка комплекслы социаль хезмәт күрсәтү үзәгендә
“Күңелле стартлар”
12 нче декабрь көнне Сарман районы “Шәфкатъ” халыкка комплекслы социаль хезмәт күрсәтү үзәгендә, сәламәтлекләрен ныгытучы өлкәннәребез катнашында “күңелле стартлар” узды. Ял да иттеләр, күңел дә ачтылар. Истәлеккә - фотога төштеләр.
12 декабрь 2018 ел, чәршәмбе
“Астра” тернәкләндерү үзәге балалары өчен сәламәт яшәү рәвешен кисәтү максатыннан “Тәмәке тартуның зыяны” турында видео дәрес үткәрелде.
12 декабрь көнне 2018 елда Бөгелмә муниципаль районының дәүләт автоном социаль хезмәт күрсәтү үзәге "Маяк» белгече Хамматова Ләйсән үткәрде бәйрәм чарасы "Конституция көне".
12 нче декабрь, 2018 нче ел, чәршәмбе
"Изгелек» инвалидларны тернәкләндерү үзәгендә 1 нче китапханә филиалы белгече Дарья Миронова Русиянең Конституция көненә багышланган танып белү һәм күңел ачу чарасы һәм "Изгелекнең чиге юк" хәйрия акциясе үткәрде.
Чараның максаты: үз ватаныңа мәхәббәт хисләрен үстерү, мөмкинлекләре чикләнгән кешеләрнең проблемаларына игътибарны арттыру, игътибар һәм кайгыртучанлык күрсәтү.
Белгеч социаль хезмәт алучылар өчен Русиянең Конституция көненә багышланган әңгәмә һәм «Кышкы бизәкләр» дигән викторина үткәрде. Мәкальләр, табышмаклар, «Яраткан яңа ел фильмнары» дигән видео – викторина, «Кышкы уен», «Ак һәм карлы», «Җырны тап» уеннары катнашучыларның күңелен күтәреп җибәрде. Табигатьнең кышкы күренешләрен, ватан һәм кыш турында шигырьләр, җырлар искә төшерделәр. Чара барышында катнашучыларга китаплар бүләк иттеләр һәм китапханәчедән истәлекле язу алырга теләкләрен белдерделәр.
Социаль хезмәт алучылар танып-белү һәм күңел ачу чарасыннан канәгать калдылар.
Чарада 17 кеше катнашты.
11 декабрь көнне Инвалидлар декадасын йомгаклап, Яшьләр үзәге бинасында “Бердәмлектә безнең көч” дип аталган иҗади фестивальнең беренче шәһәрара туры булып узды. Бу гади генә бәйге түгел, фестивальдә физик мөмкинлекләре чикле кешеләрнең сәләтләренә иҗади яктан бәя куелды.
Фестивальнең мәртәбәле кунаклары: башкарма комитет җитәкчесенең социаль мәсьәләләр буенча урынбасары Задворнова Галина Юрьевна, Чистай муниципаль районы депутаты Добронравова Ольга Владимировна, Чистай муниципаль районы социаль яклау булеге җитәкчесе Каюмова Гүзәл Рафыйк кызы.
Бәйгедә катнашучыларның физик мөмкинлекләре чикле булуына карамастан, кул эшләнмәлеренең ясалышыннан, бизәлешеннән таң калырлык. Кешенең мөмкинлекләре чикле булса да, табигать тарафыннан бирелгән сәләтләренең иге-чиге юклыгына тагын бер кат инанасың. Жюри әгъзалары хозурына тәкъдим ителгән кул эшләренең төрлелеге, матурлыгы, зәвык белән эшләнеше сокландырды. Кул эшләре гомер-гомергә затлы иҗат булып саналган. Кайсы гына эшне алсаң да, техник яктан гына түгел, ә менә әлеге иҗат җимешенә никадәр тырышлык, осталыктан тыш, күз нуры, кул җылысы, күңел матурлыгы бөркелгәне сизелеп тора.
Бәйгенең төп өлеше берничә номинациядән торды: вокал, хореография, оригиналь жанр, сәнгатьле-әдәби сойләм, автор – башкаручы, төрле музыка уен коралында уйнау сәләте.
Беренче чиратта, шуны искәртеп узарга кирәк, бәйгедә катнашкан һәр кешенең чыгышын залда утырган тамашачы тын калып күзәтте: кирәк урында алкышлады, бер елады, бер көлде. Сәхнәдә чыгыш ясаган һәр кешенең батырлыгы, үҗәтлеге, осталыгы, тырышлыгы, чыннан да, зур ихтирамга лаек иде. Тумыштан сукыр дип тормадылар, кул-аягым эшләмичә коляскада утырам дип зарланмадылар, сәхнәне дер селкетеп биеделәр, җырладылар, музыка коралларында уйнап шаккатырдылар алар халыкны.
“Бердәмлектә безнең көч” иҗади фестиваленең беренче шәһәрара турының нәтиҗәләре буенча, вокал номинациясендә Шартов Александр беренче дәрәҗәдәге диплом иясе булды. Икенче дәрәҗәдәге дипломантлар Сафин Айдар – хореография номинациясе, Шартова Татьяна – бисердан чигелгән кул иҗаты номинациясе, Сумуткина Тәскирә - оригиналь жанрда иҗат ителгән кул әшләнмәсе номинациясе , өченче дәрәҗәдәге дипломантлар Ходаков Юрий, Меннянова Диана – шулай ук кул иҗаты номинацияләре буенча җиңүче дип табылды.