«Үз-үзең белән танышу»
Балигъ булмаганнар арасында рәхимсез мөгамәләне кисәтү буенча эш кысаларында Түбән Каманың «Веста» гаиләгә һәм балаларга социаль ярдәм үзәге психологы Наталья Емельянова 24 февраль көнне 11 нче социаль участокта “Кешеләр арасындагы мөнәсәбәтләрнең әхлакый аспектлары” курсыннан «Үз-үзең белән танышу» дигән тренинг дәресен үткәрде. Төркемдәге яшүсмерләрнең үз-үзләрен тотышын тикшерү максатыннан үткәрелгән чарада 13-14 яшьлек 21 бала катнашты.
Дәрестә «САН» сораштыруы һәм проект тестлар («3 көзге», «Кеше рәсеме») кулланылды. Диагностика нәтиҗәсендә тикшерелүчеләрнең барысы да яхшы кәефкә, активлык һәм хиснең уртача дәрәҗәсенә ия булуы ачыкланды, тикшерелүчеләрнең күбесе (85%) үзләре турында әйләнә-тирәдәгеләргә караганда яхшырак уйлый, дип саный; калган 15% ы үз тирәсендәге кешеләр дә, 75% ы үзләрен аралашучан һәм күңелле кешеләр дип саный, тик иптәшләре белән артык якын мөнәсәбәтләр тудырырга теләмиләр, низаглы хәл булган очракта, тикшеренүдә катнашучыларның 60% ы компромисска беренче булып барырга әзер түгел дип белдерә. Яшүсмерләр арасында дистанцияне кыскарту максатыннан, психолог аларга «Аркадагы комплиментлар» күнегүен үтәргә тәкъдим итте: һәр яшүсмер башка катнашучының аркасына беркетелгән кәгазьдә, яхшы теләкләр язды.
“Миңа ошады...миңа файдалы булды...” йомгаклау түгәрәгендә күпләр курс кысаларында алга таба дәресләр әйләнә-тирәдәгеләр белән аралашканда киртәләрне җиңү ысулларын өйрәтүгә һәм кешеләргә карата миһербанлылык һәм түземлек турында күзаллауны торгызуга юнәлдерелергә тиеш дигән фикергә килделәр.