«Әфганстан - безнең хәтер»
Герой-патриотик айлык кысаларында Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Марина Вахрушева «Әфганстан - безнең хәтер» дип исемләнгән дәрес үткәрде. Чара 9 нчы социаль участогында балигъ булмаганнарның патриотизмын, үзләренең интернациональ бурычларын үтәгән солдатларга карата хөрмәт тәрбияләү максаты белән узды.
Дәрес кысаларында белгеч катнашучыларны 1979-1989 елларда Әфган сугышы сәбәпләре, барышы һәм нәтиҗәләре белән таныштырды. Әмма төгәл мәгълүматлар әлегә кадәр юк. Видеофильм караганнан соң, балалар үз хис-тойгылары белән уртаклаштылар. Алар сугышның бик куркыныч һәм фаҗигале икәнлеген аңладылар, чөнки ул беркемне дә – хатын-кызларны да, балаларны да, картларны да кызганмый. Без тыныч вакытта яшәсәк тә, безнең сакчыларыбыз турында истә тотарга һәм горурланырга, башка беркайчан да сугыш булмасын өчен тырышырга тиешбез.
Дәрес ахырында катнашучылар сугыш хәрәкәтләрендә һәлак булган ватандашларыбызны бер минут тынлык белән искә алдылар.
Дәрестә 15 бала катнашты.