«Әфган сугышы юллары буйлап»
Герой-патриотик айлыгы кысаларында Түбән Каманың «Веста» гаиләгә һәм балаларга социаль ярдәм үзәге социаль педагогы Олеся Минһаҗетдинова Г. Тукай исемендәге шәһәр китапханәсенә экскурсия оештырды. «Әфган сугышы юллары буйлап» дигән чара патриотизм, Россия армиясе өчен горурлык хисе тәрбияләү максатыннан үткәрелде. Экскурсиядә 17 балигъ булмаган бала катнашты.
Экскурсия барышында балалар үз-үзеңне тоту һәм китапханәгә язылу кагыйдәләре, белешмә-библиография фонды, электрон каталог, «Әфганстан минем күңелемдә тора» дигән китап күргәзмәсе белән таныштылар.
Соңыннан китапханә хезмәткәрләре Совет гаскәрләрен Әфганстаннан чыгаруга 33 ел тулуга багышланган «Әфган сугышы юллары буйлап» дип исемләнгән тарихи сәгать үткәрделәр. Балалар 1989 елның 15 феврале - Россия хәрби тарихының истәлекле даталарының берсе икәнлеген белделәр. Чарада аеруча зур кунак - Советлар Союзы Герое, әлеге исемгә лаек булган интернациональ бурычны бик яхшы үтәүче Гафуров Дамир Гыйльман улы катнашты. Дамир Гыйльманович Әфганстанда хезмәт итүе турында сөйләде, катнашучыларны кызыксындырган барлык сорауларга җавап бирде. "1979-1989 еллар:Әфган сугышы» презентациясе һәм «Безгә приказ бирелде» видеоклипы беркемне дә битараф калдырмады. Алар солдатларның нинди шартларда хезмәт итүләрен, нинди корал белән сугышуларын, нәрсә белән туклануларын, дошманнарның һөҗүмнәрен ничек чагылдыруларын, тыныч халыкка ничек булышуларын күрделәр.
Соңыннан педагог балаларга үз иленең тарихын белергә һәм истә тотарга кирәклеге турында сөйләде.