«Тоткын психологиясе»
Балигъ булмаганнар арасында терроризм һәм экстремизмны кисәтү эше кысаларында 10 нчы февраль көнне Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Марта Камалова «Мин иминлектә» программасыннан «Тоткын психологиясе» дигән видеофильм карау һәм фикер алышу белән кинотренинг үткәрде. Дәрес 7 нче социаль участогында 19 балигъ булмаган бала арасында психо-эмоциональ халәтне тигезләү күнекмәләренә өйрәтү максатыннан узды.
Дәрес башында белгеч катнашучыларны «терроризм» һәм «экстремизм» төшенчәләре белән таныштырды, алар гадәттән тыш хәлләрдә үз-үзеңне тоту кагыйдәләре турында фикер алыштылар. Белгеч билгеләп үткәнчә, иң мөһиме - сәламәт акылда һәм тынычлыкта булу. Башка кешеләр турында кайгыртучының үз психикасын саклап калуда шанслары күбрәк була. Әгәр шартлар мөмкинлек бирә икән, үз-үзенә йомылмаска, башка кешеләргә карарга, кемгә дә булса ярдәм кирәк түгелме икәнен ачыкларга кирәк. Әлеге дәрестә аңлаган тагын бер төп фикер - бары тик басып алу вакытында гына вакыйга урыныннан качып китәргә була. Әгәр дә инде сине тоткынлыкка алганнар икән, качуга бернинди омтылыш та кабул итәргә кирәкми, чөнки бу хәлне катлауландыра гына ала.
Алынган белемнәрне яхшырак үзләштерү өчен дәрес «Тоткын психологиясе» дигән видеофильм карау белән үрелеп барды, ә очрашу ахырында белгеч катнашучыларга «Экстремаль шартларда үзеңне ничек сакларга» дигән мәгълүмати белешмәлекләр таратты.