«Сталинградтагы көрәш»
8 нче социаль участокта балигъ булмаганнар арасында патриотик тәрбия бирү эше кысаларында Түбән Каманың «Веста» гаиләгә һәм балаларга социаль ярдәм үзәге белгече Анастасия Ильина «Сталинградтагы көрәш» дигән темага төркемле дәрес үткәрде. Чара яшүсмерләрне 1941-1945 еллардагы Бөек Ватан сугышы вакытында Сталинград сугышы белән таныштыру, үз халкы һәм үз Ватаны өчен горурлык хисе тәрбияләү, илнең хәрби тарихын өйрәнү максаты белән оештырылды.
Белгеч дәресне 1941-1945 еллардагы Бөек Ватан сугышы, аның төп бәрелешләре һәм вакыйгалары турында сөйләүдән башлады. Ул ассызыклаганча, Икенче бөтендөнья сугышында иң куркыныч һәм озын бәрелеш, әмма сындыручы булып торган мизгелләренең берсе-Сталинград сугышы тора. Катнашучылар аның 1942 елның 17 июленнән 1943 елның 2 февраленә кадәрге чорда булуын белделәр. Аннары белгеч әлеге сугышның этаплары, нәтиҗәләре һәм әһәмияте турында җентекләп сөйләде. Алынган материалны ныгыту өчен балалар «Сталинград сугышы» викторинасында катнаштылар.
Очрашу ахырында белгеч катнашучыларга илебезнең хәрби тарихын белергә, киләчәктә мондый куркыныч вакыйгаларга юл куймас өчен, илебезнең сагында торучыларны истә тотарга һәм горурланырга кирәклеген искәртте.
Чарада 10 яшүсмер катнашты.