«Үз-үзеңне тоту серләре»
8 декабрь көнне Түбән Каманың «Веста» гаиләгә һәм балаларга социаль ярдәм күрсәтү үзәгендә психолог Наталья Емельянова «Туган кешеләр» клубында «Үз-үзеңне тоту серләре» дигән темага дәрес үткәрде. Әлеге чара социаль хезмәт күрсәтүдә торучы катнашучыларның психоэмоциональ халәтен тигезләү максатыннан үткәрелде.
Чара башында «сәяхәт» ассоциатив тесты ярдәмендә гаилә эчендәге мөнәсәбәтләргә диагностика үткәрелде. Тикшеренү нәтиҗәсендә, гаиләдә катнашучыларның барысында да якыннары белән мөнәсәбәтләре болытсыз түгеллеге ачыкланды. Шуңа күрә, аралашуның деструктив рәвешләрен кисәтү максатыннан, психолог «2 әйләнеш ресурсы», «Сыпырулар», «Заправка» күнегүләрен күрсәтте. Шулай ук дәрестә «Мозартика» психотерапиясенең яңа юнәлешеннән «Дөнья образы – витражлар» күнегүләре кулланылды.
“Кызыклы-файдалы” йомгаклау даирәсендә “Сәяхәт” биременең катнашучыларга гаиләдәге үзара мөнәсәбәтләр һәрвакыт алар көткәнчә төзелмәве, ә “Тынычлык образы – витражлар” күнегүенең башка кешеләр арасында үз урының, максатларың һәм теләкләрең турында җитди уйланырга мәҗбүр итүе ачыкланды.