Югары Утар акылга зәгыйфь булган балалар йорты-интернатында “Минем яраткан уенчыгым” дип исемләнгән шөгыль

2021 нче елның 26 гыйнварендә Югары Утар акылга зәгыйфь булган балалар йорты-интернатында тәрбияче Тимергалиева Л.Х. тарафыннан “Минем яраткан уенчыгым” дип исемләнгән шөгыль үткәрелде. Шөгыльнең максаты: балаларда текстны дөрес итеп төзү кагыйдәләрен ныгыту. Бурычлар: - терәк схемага нигезләнеп балаларны уенчык турында хикәя төзүне дәвам итәргә өйрәтү; - балаларда фикер йөртү осталыгын ныгыту; - уенчыкларга карата сакчыл караш тәрбияләү. Һәрбер баланың яраткан уенчыгы бар. Кемнеңдер матур курчагы, кемнеңдер дистанцияле идарә итү машинасы, ә кемнеңдер йомшак аюы бар. Балаларның уенчыкларына бәйле булуы юкка гына түгел. Балалар аларны җанлы итеп кабул итәләр: йокларга яткыралар, ашаталар, аның өчен борчылалар, үзләре белән янәшә йокларга салалар. Яраткан уенчык бала өчен - иң яхшы дусты һәм аның икенче үзе. Әгәр балалардан аның уенчыкларының кәефе нинди, дип сорасаң, ул безгә үзенең кичерешләре турында сөйләячәк. Өлкәннәргә уенчыкка карата тиешенчә хөрмәт белән карарга кирәк. Балаларның хис – кичерешләрен без уенчыкларына булган карашларыннан ук сизәбез һәм шул кичерешләр ярдәмендә балаларга булыша алачакбыз. Дәрес бик кызыклы һәм мавыктыргыч килеп чыкты, барысы да канәгать калды.