“Үзеңне һәм тирә-юньдәгеләрне кабул итү”
2020 нче елның 18 нче ноябре көнне “Йомык даирәдән чыгу” клубы эше кысаларында Түбән Каманың “Веста” үзәге психологы Наталья Емельянова “Үзеңне һәм тирә-юньдәгеләрне кабул итү” дигән темага социаль хезмәт күрсәтүдә торучы ата-аналар белән чираттагы дәрес үткәрде. Максат: үз-үзеңә һәм әйләнә-тирәдәгеләргә уңай мөнәсәбәт тәрбияләү.
Дәрес башында психолог катнашучыларга «Мин нәрсәм белән яхшы», «Туры почмак», «Кәгазь тапшыру», «Тылсымлы куллар», «Мөнәсәбәтләрне җайга салу», «Характердагы уңай һәм тискәре сыйфатлар», «Бәйләүче җеп» күнегүләрен үтәргә тәкъдим итте. Әлеге биремнәр үз-үзләренә һәм башка кешеләргә яңача карарга, үз персоналы турында хаталы күзаллауларны билгеләргә, үзләрен һәм тирә-юньдәгеләрне уңай яктан күрергә комачаулаучы эчке тискәре хис-тойгыларны эшләргә мөмкинлек бирде.
Йомгаклау даирәсендә күпләр «Кайсы ягым белән мин яхшы» күнегүе алар өчен иң авыры дип таныды. «Квадрат» күнегүе бик файдалы булды. Ул барлык катнашучыларга да, һәрвакытта да карар кабул итү үз теләкләреңнән чыгып кына кабул ителми дип уйланырырга мөмкинлек бирде. Тормышта башка кешеләр дә гел янәшә булу сәбәпле, еш кына тирә-юньдәгеләргә дә җайлашырга туры килә.Үз-үзеңне бәяләү тирә-юньдәгеләрнең тәнкыйди кисәтүләреннән «аска тәгәрәмәсен» өчен, барлык катнашучылар да «Тискәре күренешләрдән китәргә» дигән белешмәлекләр алды.