Лениногорск халыкка социаль хезмәт күрсәтү үзәгендә Халыкара өлкәннәр көне уңаеннан котлау акцияләре
Татарстан Республикасы Хезмәт, халыкны эш белән тәэмин итү һәм социаль яклау министрлыгының Лениногорск муниципаль районындагы «Исток-Башлангыч «халыкка социаль хезмәт күрсәтү комплекслы үзәге» дәүләт автоном социаль хезмәт күрсәтү учреждениесенең өйдә социаль хезмәт күрсәтү бүлегендә өйдә социаль хезмәт күрсәтүче гражданнарга берничә акция уздырдылар.
Халыкара өлкәннәр көне кысаларында, социаль хезмәткәрләр волонтерлар белән берлектә, үзләренең хезмәт күрсәтүчеләрен бәйрәм белән котлау буенча «Миләш агачы тәлгәшләре» дигән акция уздырдылар. Алтын көз, ал тәлгәшләр, миләшләр кешенең алтын яше, зирәклеге белән ассоциацияләнә. Өлкән яшьтәге гражданнар бу көнне котлаулар белән бергә матур көзге һаваның гүзәллеген, аның матурлыгы һәм кәефен тойдылар.
Социаль хезмәткәрләр социаль хезмәт алучылар белән бергә хезмәт күрсәтүче «Алтын алма» дигәy алма ризыклары әзерләү буенча мастер-класс үткәрделәр. Өлкән буын үз рецептлары әзерләү тәҗрибәсе белән уртаклашты.
Социаль хезмәт алучыларга «Көз бүләкләре» дигән иреклеләр акциясен социаль хезмәткәрләр мәктәп укучылары волонтерлар белән берлектә үткәрде. Бу көнне бакчаларда соңгы уңыш җыеп, кышка запас ясадылар.
Шәһәрнең социаль хезмәткәрләре үзләренең хезмәт күрсәтүчеләре белән көзге шәһәр буенча «Минем яңа алтын шәһәрем » дип исемләнгән онлайн экскурсиягә күзәтү үткәрделәр. Көзге шәһәр буенча презентацияне аз хәрәкәтләнүче гражданнарга күрсәттеләр.
Акциядә 35 волонтер һәм 45 социаль хезмәткәр катнашты.