Вируслардан ничек сакланырга?

2020 елның 21 сентябре, дүшәмбе

Көз көне, көннәр суыту, яңгырлар башлану белән вируслы инфекцияләр бик тиз тарала. Нәтиҗәдә балалар да, өлкәннәр дә күпләп чирли башлыйлар.

Чирмешән муниципаль районында “Мәрхәмәтле йөрәк” халыкка социаль хезмәт күрсәтү үзәге” дәүләт бюджет учреждениесенең гаиләгә һәм балаларга социаль ярдәм күрсәтү бүлекчәсе белгечләре Галина Микушова һәм Гүзәлия Сафиуллина гаиләләрдә  вируслы инфекцияләрне профилактикалау буенча даими эш алып баралар. Профилактиканың универсаль чаралары турында сөйлиләр һәм «Грипп, коронавирус һәм башка төрле инфекцияләрдән ничек сакланырга? " дигән белешмәлекләр тараталар.