“Мәгънәләрне аңлау”
«Мәгълүмати навигатор «Яшүсмерләрнең медиа культурасын формалаштыру технологияләре» н тормышка ашыру эше кысаларында 2020 нче елның 18 нче сентябре көнне 19 нчы санлы социаль участокта «Веста» Үзәгенең социаль эш буенча белгече Ләйсән Суниева 10 балигъ булмаган бала өчен “Мәгънәләрне аңлау” дигән темага төркемле дәрес үткәрде.
Төркемле дәрес “Мультфильмны бел” уен-разминкасы белән башланып китте. Моның өчен төркемнең һәр катнашучысы, танылган әкият буенча төшерелгән фильмның рекламасы булган биремле карточканы алып, мультфильм исемен бирергә тиеш булды. Бирем балаларда зур кызыксыну уятты, чөнки алар күп очракта нинди фильм турында сүз барганын аңламадылар. Аннары белгеч балаларга медиа-продуктлар, мультфильмнар, реклама кисәкләреннән роликлар күрсәтте, шул ук вакытта катнашучыларның бурычы-хәбәрләрнең тышкы чагылышы артында яшерелгән мәгънәләрне билгеләү һәм төркемдә аларның әһәмияте турында фикер алышу иде. Хәтта өлкәнрәк балаларга да яшерен мәгънәне ачыклау кыен булды, ә телевидениедә һәм Интернетта каралучы медиа продуктларның зыяны турында уйламый торган кечкенә балалар турында әйтәсе дә юк.
Ахырда белгеч катнашучыларга медианың чын /яшерен мәгънәләрен ачыклау буенча үз тәҗрибәләре, рецептлары белән уртаклашырга һәм бу мәгънәләр кулланучыларның аңсыз реакциясенә һәм үз-үзләрен тотышына ничек йогынты ясый алуы турында уйланырга тәкъдим итте. Дәрестә катнашучылар үзләре өчен бик күп файдалы мәгълүмат алдылар, вакытны күңелле һәм кызыклы үткәрделәр.