«Изгелек» инвалидларны тернәкләндерү үзәгендә Бөтендөнья аеклык көне кысаларында «Без сәламәт яшәү рәвеше өчен» дигән темага профилактик чара
Яр Чаллы шәһәренең «Изгелек» инвалидларны тернәкләндерү үзәгендә социаль хезмәт алучылар өчен психолог Чулпан Галләмова Бөтендөнья аеклык көне кысаларында «Без сәламәт яшәү рәвеше өчен» дигән темага профилактик чара үткәрде.
Чараның максаты: наркоманиягә, тәмәке тартуга, эчкечелеккә каршы профилактика, сәламәт яшәү рәвешен формалаштыру.
Психолог катнашучыларны чара темасына җәлеп итү максатыннан тәмәке тарту һәм эчкечелекнең зыяны турында берничә мисал китерде. «Сорау-җавап» викторинасы уздырдылар. Сәламәт яшәү рәвеше турында мәкальләр һәм әйтемнәр искә төшереп үттеләр. «Дәвалану» һәм «Дөрес туклану-сәламәтлек нигезе» дигән конкурслар үткәрделәр.
Чара нәтиҗәсендә уңай эмоциональ кәеф барлыкка килде. Социаль хезмәт алучылар тәмәке тартуның, эчкечелекнең һәм наркоманияның зарары турында тирә-юньдәгеләрнең дә исенә төшерергә кирәк дигән фикердә калдылар һәм һәркайсы үзе өчен аеклыкта - бәхет һәм тормыш нормасы дигән нәтиҗә ясады.
Чарада ун кеше катнашты.