«Мин хокуклы!»
2020 нче елның 12 нче августы көнне Түбән Каманың «Веста» үзәге психологы Наталья Емельянова «Ябык даирәдән чыгу» клубы кысаларында социаль хезмәт күрсәтүдә торучы хатын-кызлар белән «Мин хокуклы!» дип аталган дәрес үткәрде. Максат: үз-үзеңне кабул итү, законлы булган кыйммәтләр системасын ныгытуга ярдәм итү.
Очрашу башында психолог хатын-кызлар белән аларның үз-үзләренә ничек караулары турында сөйләште. Хатын-кызлар, нигездә, үзләрен карарга вакыт калмауны таныдылар, чөнки барлык вакытларын һәм көчләрен гаиләгә бирәләр. Аннан соң психолог хатын-кызлар белән «Монда һәм хәзер», «Киребеткән», «Коткару шлюпкасы», «Минем хокукым бар...», «Вакыйгалар йомгагы», «Бәйләүче җеп...» кебек күнегүләр үттеләр . Һәр күнегүдән соң катнашучылар үз фикерләре, хис-тойгылары белән уртаклаштылар. Әлеге биремнәр аларга үз тормышларына яңача карарга, үзләре турында хаталы күзаллауларны билгеләргә, үзләренең эчке тискәре хис-тойгыларын эшләргә мөмкинлек бирде.
"Кызыклы-файдалы" йомгаклау даирәсендә күпләр «Коткару шлюпкасы» күнегүенең иң авыры булуын таныды. Гаилә әгъзалары белән бик көчле эмоциональ элемтәдә була торып, бу кешене шлюпканың батачагын белеп тә төшереп калдырырга һәм ерак әйләнә-тирәгә «күчерергә» авыр булды. «Минем хокукым бар...» уены бик файдалы булды. Үзе һәм үз ихтыяҗлары турында тагын да күбрәк белү өчен, үзәк психологы чара ахырында WatsApp төркеменә “Ни өчен мин нәрсәм бар, шуңа ия” (Дилтс пирамидасы буенча)» дигән белешмәлек урнаштырды.
Дәрестә катнашучылар психологка кызыклы һәм танып-белү дәресе өчен рәхмәт белдерделәр һәм үзләренә карата булган карашларын үзгәртергә тырышачаклар, дип ышандырдылар.