"Демография" милли проектын тормышка ашыру кысаларында Буа өлкәннәр һәм инвалидлар өчен интернат-йортында "Йога – алтын яшь зирәклеге" программасы буенча дәресләр уңышлы дәвам итә.

2020 елның 22 июле, чәршәмбе

Борын-борыннан, йога кешегә яшьлек һәм озак еллар сакланучы шәп сәламәтлек бүләк итә дип санала.

Йоганың файдалы үзлеге-тынычлану һәм стрессны төшерү. Шулай ук, медитация баш миенең активлыгын арттыра, бу социаль хезмәтләрдән файдаланучыларның хәленә уңай йогынты ясый.

Йога кешенең гомуми сәламәтлегенә яхшы тәэсир итә. Ул организмның барлык системаларына: аш кайнату, терәк - хәрәкәт, иммун һ.б. уңай тәэсир итә.

Дәрестә безнең яшәүчеләр бик теләп шөгыльләнәләр һәм бик канәгать калалар.