«Изгелек» инвалидларны тернәкләндерү үзәгендә үз дәрәҗәңне күтәрү буенча «Үзең өчен вакыт таб!» дигән темага мини-тренинг
Яр Чаллы шәһәре «Изгелек» инвалидларны тернәкләндерү үзәгендә социаль хезмәт алучылар өчен психолог Чулпан Галләмова үз дәрәҗәңне күтәрү буенча «Үзең өчен вакыт таб!» дигән темага мини-тренинг үткәрде.
Тренингның максаты: социаль хезмәт алучыларда үз-үзең белән элемтәгә керә белү; үз-үзеңә һәм үзеңдә булган шартларга карата бәйсез күзәтүче позициясен башкару; үз-үзеңне уңай кабул итүне формалаштыру.
Тренинг «Үз-үзеңне бәяләүне ничек аңларга?» дигән темага әңгәмәдән башланып китте. Социаль хезмәт алучылар тест үтеп, үз-үзләрен бәяли белүләрен ачыкладылар. «Мин кояш нурларында», «Үз – -үзеңне мактау», «Бәхет дәрәҗәсе», «Үзеңне тәнкыйтьләүдән арыну», «Үзеңне кабул итү» дигән күнегүләр үткәрелде. Социаль хезмәт алучылар, фикер алышу барышында мондый чаралар үз-үзеңдә һәм башкалардагы яхшы һәм файдалы гамәлләрне күрергә, үз-үзеңә бәя бирүне формалаштыруга ярдәм итә дигән нәтиҗәгә килделәр.
Социаль хезмәт алучылар тыныч һәм җылы атмосферада узган тренингтан уңай эмоция һәм яхшы кәеф алдылар. Тренингны үткәргәннән соң, катнашучылар үз-үзләрен танып белүләре, абруйларының һәм бәяләү дәрәҗәләренең үсү процессы активлашуын сизделәр .
Тренингта дүрт кеше катнашты.