Лениногорск “Исток-Башлангыч” үзәге мобиль кушымталар ярдәмендә чаралар үткәрә
«Исток-Башлангыч» халыкка социаль хезмәт күрсәтү социаль педагоглары үзизоляция чорында читтән торып эшләү рәвешләрен кулланалар.
Социаль-куркыныч хәлдә булган гаиләләрдәге балигъ булмаган балаларның ялын оештыруда актив рәвештә WhatsApp һәм Zoom мобиль кушымталарын кулланып, онлайн-чаралар уздыралар. Ялны оештыруның максаты - балаларга әхлакый-эстетик тәрбия бирү һәм иҗатның төрле төрләренә һәвәслек тәрбияләү. Үзизоляция чорында балигъ булмаганнарның буш вакытларын файдалы һәм кызыксыну белән уздыру бик мөһим.
Бүгенге көндә 40 балигъ булмаган бала белән “Мин барысын да булдырачакмын” программасын гамәлгә ашыру кысаларында дәресләр үткәрелде; мастер-класслар - “Язгы бакча”, “Миләүшәле чүлмәк” дип аталган мастер-класслар; арт-терапия технологияләрен кулланып, Космонавтика көненә багышланган мастер-класслар; бөек татар шагыйре Г.Тукайның туган көне уңаеннан арт-китап эшләү; оригами техникасында эшләнмәләр эшләү; сугыш турында рәсемнәр конкурс; музейларга виртуаль йөрү; спорт флешмоблары уза. Балалар барлык дәресләрдә һәм конкурсларда бик теләп катнаша.
Бу катлаулы чорда иң мөһиме - балалар белән бергә булу, тынычлык һәм яхшы кәеф үрнәген күрсәтү, аларга тискәре хис-кичерешләрне җиңәргә ярдәм итү, интеллектны үстерү һәм сәламәтлекне саклап калу.