«Халыкара туган тел көне». Түбән Каманың «Веста» үзәге
21 февральдә бөтен дөньяда Халыкара туган тел көне билгеләп үтелә. Бу дата 1952 елның 21 февралендә, Бангладеш башкаласы Даккада, полицейскийлар пуляларыннан бенгалиның туган телен яклауда катнашкан студентлар һәлак булган вакыйгалар истәлегенә сайлана.
ТАССРның 100 еллыгы һәм Түбән Кама муниципаль районында дуслык елы кысаларында 2020 нче елның 11 нче феврале көнне Түбән Каманың «Веста» үзәге социаль педагогы Әлфия Хөснетдинова һәм социаль эш буенча белгеч Эльвира Нафикова социаль хезмәт күрсәтүдә торучы 11 бала арасында «Халыкара туган тел көне» дигән чара уздырдылар. Максат: Балаларны Халыкара туган тел көне белән таныштыру, туган телгә һәм башка телләргә сакчыл караш, туган телең өчен, ата-бабаларыңа, халыкка, мәдәнияткә карата горурлык хисе тәрбияләү, патриотизм, толерантлык тәрбияләү, балаларның сөйләмен, хәтерен, фикерләвен үстерү.
Белгечләр балаларга бу көннең юкка чыккан телләрне саклау һәм үстерү, лингвистик күптөрлелекне һәм күптелле белем бирүне үстерү, шулай ук тел һәм мәдәни традицияләр турында хәбәрдарлыкны арттыру максатыннан билгеләп үтелүе турында сөйләделәр. Шулай итеп, бу вакыйга алдыннан балаларга бу көннең килеп чыгу тарихы турында ишетү бик кызык булды.
Балалар Татарстан Республикасында бәйрәмнәр һәм традицияләр, Халыклар дуслыгы һәм толерантлык турында әңгәмәдә актив катнаштылар. Викторинаның кызыклы биремнәре дә читтә калмады. Балалар рус теле буенча яхшы белемнәрен күрсәттеләр. Ребуслар, шарадаларны бик җанлы итеп чиштеләр, билгеле бер хәрефләрдән яңа сүзләр төзеделәр, логикага кагылышлы сорауларга җавап бирделәр. Канатлы әйтемнәр, мәкальләр конкурсында көч сынаштылар.
Чара ахырында һәр катнашучыга истәлекле бүләк тапшырылды.