Югары Утар акылга зәгыйфь балалар йорты – интернатының “Шәфкатьлелек” бүлегендә “Лабиринтлар” дип исемләнгән дидактик уен.

2019 елның 1 нче февралендә Югары Утар акылга зәгыйфь балалар йорты- интернатының “Шәфкатьлелек” бүлегендә тәрбияче Тимергалиева А.Н. балалар белән “Лабиринтлар” дидактик уенын үткәрде. Уенның максаты: - логик фикерләү сәлатен, вак моториканы үстерү; - түземлелек, пөхтәлек, игътибарлылык тәрбияләү; - балаларның дидактик уеннарга омтылышын хуплап, аларда уйнау теләген, кызыксынуны арттыру. «Лабиринтлар» уены балаларда логик һәм пространстволы фикерләү сәлатен үстерүгә ярдәм итә торган, баланы анализларга өйрәтә, игътибарны үстерә торган кызыклы дидактик уен. "Лабиринт» бала алдына катлаулы сайлау куя, килеп туган каршылыкларны җиңеп чыгарга өйрәтә. Шул ук вакытта, балага тормышта һичшиксез кирәк булачак максатчанлык, вариативлык, авыр тормыш хәлендә тотрыклылык кебек сыйфатларны үстерә. Дәрес башында тәрбияче “Лабиринтлар “ уены кагыйдәләрен һәм шартларын аңлатты, һәр балага үзенең күңеленә хуш килгән уен вариантын сайларга тәкъдим итте.Балалар бик теләп озын һәм буталчык лабиринтлар аша үтү юлларын эзләделәр. Бу бик файдалы һәм мавыктыргыч шөгыль балаларга бик ошады.