Яңа Чишмә өлкәннәр һәм инвалидлар интернат-йортында Өлкәннәр декадасы
Яңа Чишмә өлкәннәр һәм инвалидлар интернат-йортында Өлкәннәр декадасы
Яңа Чишмә өлкәннәр һәм инвалидлар интернат-йортында Өлкәннәр декадасы бик күңелле башланып китте.
2 октябрь көнне район мәдәният йорты артистлары бәйрәм концерты белән котларга килделәр. Ә алар бездә иң кадерле кунаклар. Матур чыгышлар һәм котлаулар ункөнлекнең яхшы башы булды.
3 октябрь көнне Ленино, Тубылгытау һәм Горшково авыл мәдәният йортларының «Йөрәктән йөрәккә» дип исемләнгән уртак концерты булды. Баян астындагы җырлар, дәртле Һиндстан һәм татар биюе безнең халык күңеленә хуш килде.
4 октябрь көнне район китапханәсеннән «йөрәгең һәм җаның мәңге картаерга тиеш түгел " дигән темага әңгәмә сәгате үткәрелде, лотерея уйнатылды, өлкәннәр турында фильм – ролик күрсәтелде. Шул ук көнне безнең йортта «Ажаган» яшүсмерләр клубы балалары «үз йөрәгендә яхшылык булдыр " программасы белән булдылар, алар бездә яшәүчеләрне акварель белән рәсем ясау буенча мастер-класс белән кызыксындылар.
5 октябрь көнне балалар сәнгать мәктәбе укытучылары рәсем ясау буенча мастер-класс белән килделәр, вокал, бию, баян һәм гитара буенча үзләренең профессиональ осталыкларын күрсәттеләр. Шулай ук бу көнне өлкәннәребезгә котлау сүзләре белән депутат Хөснетдинов М. Г. булышчысы Диләрә Илгиз кызы да килде. Төштән соң туган якны өйрәнү музее хезмәткәрләре әби-бабайларны котларга килделәр һәм матур эшләнмәләр ясау буенча мастер-класс күрсәттеләр.
Без һәм социаль хезмәт алучылар өлкәннәргә игътибар күрсәтүчеләргә, шатлык, бәйрәм кәефе бүләк иткән һәркемгә бик рәхмәтле!