Арчаның «Өмет чаткысы» "Чәчәк композицияләре"
Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә арттерапия технологиясе кысаларында чәчәк композицияләре ясау чарасы уздырылды. Ул «Күңелле бүләкләр» флористик студиясе җитәкчесе Гүзәлия Демухаметова ярдәме белән оештырылды. Чәчәкләр буенча белгеч, балаларга композицияләр ясау өчен чәчәкләрнең яфракларын һәм чәшкеләрен кисү, төрле төрдәге чәчәк гаммасын, шулай ук төрелмә пленка һәм кәрзинне ничек сайларга кирәклеген күрсәтте. Балалар розаның иң кырый таҗларының “күлмәкләр” диеп аталуын һәм букет ясау алдыннан аларны алырга кирәклегенә төшенделәр.
Чараның икенче өлеше практик иде, анда балалар үзләре чәчәк композицияләре ясарга өйрәнделәр. Тернәкләнүчеләр тере чәчәкләрдән үзләренең шәхси букетларын бик теләп һәм рухланып эшләделәр.
Оештыручылар сүзләренә караганда, мондый чаралар балаларда фантазияне, иҗатны, табигатькә мәхәббәтне баета, шулай ук һөнәри күнекмәләрен үстерә. Бәлки аларның кайберләре киләчәктә флорист яки чәчәк сатучы һөнәрен сайлар.