ЯҢАЛЫКЛАР


20
сентябрь 2019 ел.
җомга

     «Изгелек» социаль үзәгендә гаиләгә һәм балаларга социаль ярдәм күрсәтү бүлеге белгечләре балигъ булмаганнар эшләре буенча инспектор белән берлектә «Экстремизмга – ЮК!» айлыгы кысаларында «Терроризмның киләчәге юк» дип исемләнгән чираттагы чара үткәрделәр. Чараның максаты - балаларны куркынычка каршы торырга һәм үз-үзеңне экстремаль ситуациядә якларга өйрәтү, саклык чаралары һәм аларны бозуның мөмкин булган нәтиҗәләре, террорчылардан саклау алымнары турында күзаллау формалаштыру. Әлеге чарада  6 балигъ булмаган бала катнашты. Чара барышында балигъ булмаганнар эшләре буенча инспектор «Экстремистлык эшчәнлегенә каршы тору турында» Россия Федерациясе законында телгә алынган экстремизм һәм экстремистлык эшчәнлеге төшенчәләре турында әңгәмә үткәрде. Шулай ук балалар билгесез предметларны кулга алырга ярамаганлыгын белделәр һәм шикле предметларны ачыклаган очракта эш тәртибе белән таныштылар. Соңыннан «Терроризмның киләчәге юк» дигән социаль ролик карап уздылар.

«Җәлил картлар һәм инвалидлар йорты»нда  Ясные зори «ансамбленең хәйрия концерты

   Арча "Өмет чаткысы" мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүче баларга "Экстремизмга-юк" декадасы кысаларында, психолог  Алинә Сабирова    "Шикле пакет" дигән чара үткәрде.

Һәр ел саен 21 нче сентябрь көнне халыкара җәмәгатьчелек Халыкара тынычлык  көнен билгеләп үтә. Әлеге көнгә багышлап Мамадыш картлар һәм инвалидлар йортында әңгәмә булып узды.

                  18 сентябрьдә Арча «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә  тәрбияләнүчеләр: Абдуллина Гүзәл, Гайнетдинова Ләйлә, Ипкеева Алена, Холмуратова Сәфәргөл, Госманова Элвина хезмәт белгече  Гөлнара Сәлихҗанова җитәкчелегендә «Абилимпикс-2019» сәламәтлек мөмкинлекләре чикле кешеләр арасында һөнәри осталык буенча V Милли чемпионатның төбәк этабында катнаштылар.  

2019 елның 19 сентябрендә социаль хезмәтләр алучылар өчен Баулы муниципаль районының «Баулы картлар һәм зәгыйфләр интернат йорты» дәүләт автоном социаль хезмәт күрсәтү учреждениесе шәфкать туташы Костина Т.В. гриппны профилактикалау һәм профилактик прививкалар үткәрү кирәклеге турында лекция укыды.

Бу атнада Чирмешән районы инвалидлар җәмгыяте вәкилләре «Чирмешән картлар һәм инвалидлар өчен интернат - йорты» нда яшәүчеләргә кунакка килделәр

Бүген хезмәт буенча инструктор Аглямова  Л.И. җитәкчелегендә «Цветотерапия» социаль тернәкләндерү технологиясе үткәрелде. Тема : " Рәсемнәр буяу » . Максатлары :  эмоциональ киеренкелекне киметү , кулларны координацияләүне үстерү , игътибарны арттыру, бер-береңә хөрмәт тәрбияләү .

 2019 нчы елның 20 нче сентябрендә Сарман муниципаль районының  «Шәфкатъ» үзәгендә социаль хезмәт алучылар өчен Халыкара тынычлык көненә багышланган чара үткәрелде. Катнашучыларга бәйрәмнең тарихы турында сөйләделәр, аннары рәсем конкурсы булды. Бу көн Җирдә тынычлык урнаштыруга һәм көч кулланудан баш тартуга, патриотизм, дөньяда барган вакыйгаларга карата бердәмлек хисе тәрбияләүгә, үз илең өчен горурлык хисе кичерүгә юнәлдерелгән.

    Норлатның интернат-йортында социаль хезмәт алучылар сәнгать фильмы карадылар.

   Ил кинематографы фильмнарын карау аеруча кызыклы, нәкъ менә шуңа күрә нәфис фильм интернат-йортта яшәүчеләрдә кызыксыну уятты.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования