Алма Спасы

Халык календаренда славяннарда 19 август - Алма Спасы көне. Бу беренче уңыш бәйрәме, ышанулар буенча табигать җәйдән көзгә һәм кышка таба борыла торган көн. Традиция буенча, быел да Мөслим картлар һәм инвалидлар интернат-йортында әлеге бәйрәм билгеләп үтелде. Чара барышында социаль хезмәтләрдән файдаланучылар Алма Спасы һәм алманың күп кенә файдалы үзлекләре турында мәгълүмат алдылар, бергә алма уңышын җыйдылар, алма пирогы белән сыйландылар. Өлкәннәргә боларның барысы да бик ошады, алар бик теләп әңгәмәдә катнаштылар, сөйләшү барышында үз бакчаларында үскән алмаларын да искә төшерделәр.

Соңгы яңарту: 2024 елның 22 августы, 13:14