«Опека» үзәгендә Советлар Союзы Каһарманы, Ленин ордены кавалеры Александр Матвей улы Матросовның (1924–1943) тууына 100 ел тулу уңаеннан мәгълүмат стенды ясалды

Александр Матвей улы Матросов 1924нче елның 5 февралендә Екатеринослав (Днепропетровск) шәһәрендә туа. Әти-әнисен иртә югалта, сугыш башланганда, аңа 20 яшь тә тулмаган була. Матросовны 1942нче елның сентябрендә хәрби хезмәткә чакыралар һәм пехота училищесына, ә аннары фронтка җибәрәләр.

1943нче елның 27нче февралендә аның батальоны Псков өлкәсенең Чернушки авылы янында фашистларның терәк пунктына һөҗүм итә, ләкин окопларга юлны кисеп алган тозакка эләгә. Ату өч дзоттан бара. Икесе тиздән тынып кала, әмма өченчесе карда яткан кызыл армиячеләргә ут бөркүен дәвам итә. Уттан чыгуның бердәнбер мөмкинлеге – көндәшнең утын басу икәнен аңлап, Матросов һәм аның иптәше дзотка кадәр шыпырт кына барып җитә һәм гранаталар ыргыта. Пулемет тынып кала, ләкин озакка түгел һәм үлем коралы кабат ут бөрки башлый, дусты үтерелә һәм Матросов дзот алдында берүзе кала. Аңа карар кабул итәр өчен берничә секунд та булмый. Сугышчан иптәшләрен калдырырга теләмичә, Александр үз тәне белән дзот авызын каплый. Һөҗүм уңышлы тәмамлана. Кызылармеец, И.В. Сталин исемендәге 91нче АИБның 2 нче аерым укчы батальонының автоматчы-укчысы А.М. Матросов үлгәннән соң Советлар Союзы Каһарманы исемен ала. Үлгәннән соң Ленин ордены белән бүләкләнә.

Соңгы яңарту: 2024 елның 5 феврале, 22:06