Халыкара фашист лагерьлары тоткыннарын азат итү көне

Бүген – 11 апрель көнне – бөтен дөньяда фашист концлагерьлары тоткыннарын азат итү көне. Бу көн истәлекле чаралар, һәлак булганнарны искә алу, аларның истәлегенә табыну, фашизм корбаннары каберләренә һәм җирләнгән урыннарга чәчәкләр салу белән билгеләп үтелә. 1945нче елның 11нче апреле көнне «Бухенвальд» концлагеры тоткыннары интернациональ күтәрелеш оештыралар һәм 20 меңнән артык кешене, шул исәптән 900 баланы азат итәләр. БМО карары буенча бу көнне бөтен дөньяда Халыкара фашист лагерьлары тоткыннарын азат итү көне буларак билгеләп үтәләр. Элекке балигъ булмаган тоткыннар буынына акыл җитмәгән авыр язмыш кичерәләр. Аларның балачагы айлары һәм еллары нарларда, чит җирдәге баракларда һәм сарайларда этләр өрүе һәм күзәтчеләр чыбыркысы астында узды. Барлык тоткын балалар да, өлкәннәр кебек үк, сугышның тизрәк тәмамлануын теләделәр.

Бу вакыйгаларның еллыгына Татарстан Республикасы Хезмәт, халыкны эш белән тәэмин итү һәм социаль яклау министрлыгының Әлмәт муниципаль районындагы «Опека» комплекслы үзәгенең өй шартларында социаль хезмәт күрсәтү бүлегенең социаль эш буенча белгече тарафыннан «Концлагерьларда балигъ булмаган граждан» булган Маргарита Виктор кызы Апраксина белән очрашу оештырылды. Маргарита Виктор кызы шул куркыныч көннәр һәм үз тормышы турында сөйләде. Очрашу ахырында белгеч Маргарита Виктор кызына кечкенә бүләк тапшырды.