Саламнан аппликация ясау буенча остаханә

2019нчы елның 25нче октябре көнне Әлмәт муниципаль районындагы «Кайгырту» ХИХККҮнең гаиләгә һәм балаларга иҗтимагый ярдәм бүлегендә хезмәт күрсәтелүче балигъ булмаганнар өчен Г. Тукай исемендәге Үзәк балалар китапханәсендә саламнан аппликация ясау буенча остаханә булып узды.

Борынгы заманнардан бирле кеше, төрле әйберләр эшләп, аларны файдалану өчен уңайлы гына түгел, матур итеп кулланырга омтыла. Агач, таш, балчык, салам – барысы да эш өчен чимал булып тора.

Саламны кешеләр ныклы һәм җиңел әйберләр: җиһаз, букчалар, кәрҗин, келәмнәр, эшләпә, уенчыклар ясау өчен кулланганнар. Үткәндә генә түгел, хәзерге вакытта да, фән һәм техника көчле үсеш алган чорда, кеше төрле әйберләр, сувенирлар ясау өчен саламнан, бигрәк тә чималы буларак бик теләп файдалана.

Салам белән аппликацияләү эше зур тәрбияви мөмкинлекләргә ия, аның барышында балаларның төс тоемлавын, ритмны, үлчәмне сиземләүне, күз үлчәмен кул шөгылен үстерә, рәссам-белгечкә генә түгел, ә теләсә кайсы һөнәр иясенә кирәкле сыйфатлар тәрбияли.

Апликация өстендә эшләү барышында балаларның иң элек эшләнелә торган предметларның югары сыйфатына ирешергә кирәкле эстетик тәме чагыла. Әлеге сыйфат астында ул яхшылык, ышанычлылык белән беррәттән, аның җәлеп итүчәнлеге дә күз алдында тотыла.

Остаханәдә балалар техник хезмәт һәм саламны сәнгатьчә эшкәртү өлкәсендә тирәнрәк белем һәм осталык алдылар. Остаханәнең төп бурычларыннан берсе – иҗади зирәклекне үстерүгә, мәктәп укучыларының югары хезмәт мәдәниятын тәрбияләвенә, һөнәрләрне аңлы рәвештә сайлап алу сәләтен ачыклауга ярдәм итү. Салам аппликациясе белән эшләнгән әйберләрдә хезмәт һәм эстетик тәрбия бирү чагылды.

Соңгы яңарту: 2019 елның 30 октябре, 22:10