«Ишегалды уеннары»

2024 елның 7 августы, чәршәмбе

7 августта Саба районы “Балкыш” халыкка комплекслы социаль ярдәм күрсәтү үзәге социаль педагогы Нәгыймова М.С. «Ишегалды уеннары» социаль технологиясе кысаларында социаль участокларда социаль хезмәтләрдән файдаланучы балигъ булмаган балалар белән «Ишегалды уеннары» үткәрде. Әлеге технология балаларны ишегалды уеннарына тарту, актив ял оештыру юлы белән шатлыклы, күтәренке кәеф тудыру, шулай ук сәламәт яшәү рәвешен формалаштыру һәм балигъ булмаганнар арасында күптән онытылган уеннарны пропагандалау максатында эшләнелгән.

Чара ахырында, кагыйдә буларак, җәйге чорда үз-үзеңне дөрес тоту кагыйдәләре буенча белешмәләр таратылды.