«Без цифрлы дөньяда: мөмкинлекләр һәм тәвәкәллек»
Татарстан Республикасында цифрлаштыру елы кысаларында Түбән Каманың «Веста» гаиләгә һәм балаларга социаль ярдәм үзәге белгече Гөлнара Гизатуллина 10 нчы социаль участокта «Без цифрлы дөньяда: мөмкинлекләр һәм тәвәкәллек» дигән темага төркемле дәрес үткәрде. Чараның максаты булып яшүсмерләрнең Интернет челтәрен кулланганда төп куркынычлар турында белемнәрен күтәрү һәм социаль челтәрләрдән куркынычсыз файдалануның төп кагыйдәләре белән танышу торды.
Дәрес башында белгеч катнашучылар белән Интернетның нигә кирәк булуы, мәгълүмат куркынычсызлыгы, аны кулланганда нинди мөмкинлекләр һәм куркынычлыклар булуы турында әңгәмә үткәрде. Интернетта эшләү белән бәйле ситуацияләрнең мисалларын китерде, цифрлы дөньяның төп куркынычлыклары турында сөйләштеләр. Интернетта куркынычсыз тәртип турында видеоролик караганнан соң, аның турында фикер алышу булды. Балалар Интернеттан файдаланучылар белән аралашуның төрле аспектлары, виртуаль киңлектә булганда барлыкка килергә мөмкин булган төрле һәм катлаулы ситуацияләр, челтәрдәге законнарны бозу очрагында мөрәҗәгать итәргә мөмкин булган теге яки бу проблемаларны хәл итү кебек темаларны да кузгаттылар.
Дәрес «Интернет челтәрендә куркынычсыз тәртип кагыйдәләре» дигән белешмәлекне өйрәнү һәм тикшерү белән тәмамланды. Дәрестә катнашучылар үзләре өчен бик күп файдалы мәгълүмат алдылар, вакытны кызыклы үткәрделәр. Чарада 14 балигъ булмаган бала катнашты.