«Хәрәкәт һәм координация үсешенә уеннар»
"Биеп яшибез» программасы кысаларында Түбән Каманың «Веста» гаиләгә һәм балаларга социаль ярдәм үзәгендә социаль педагог Олеся Минһаҗетдинова «Хәрәкәт һәм координация үсешенә уеннар» дигән темага төркемле дәрес үткәрде. Социаль адаптациядә авырлыклары булган 8 балигъ булмаган бала, шул исәптән сәламәтлекләре буенча мөмкинлекләре чикле балалар булган әлеге чара билгеле бер музыка астында хәрәкәтләрне дөрес кабатларга, үзара аңлашуны һәм үзара бәйләнешне үстерергә өйрәтү максатыннан үткәрелде.
Дәрес башында катнашучылар хәрәкәтне координацияләү һәм пространствода ориентлашу хисен үстерү өчен «Ква - Ква» инсценировкасы рәвешендә күнегүләр ясадылар. Шулай ук әлеге уен балаларга педагог күрсәтүе буенча хәрәкәтләрне үтәүгә игътибарлырак булырга ярдәм итте. «Камка» уен-инсценировкасы музыка һәм текст нигезендә хәрәкәтне башкара белүне ныгытырга ярдәм итте. Шунысын да билгеләп үтәргә кирәк, балалар хәрәкәте вакыт үткән саен ритмик һәм эмоциональрәк үтәделәр.
Балалар белән эшләүдә музыкаль-ритм күнегүләре мөһим роль уйный, бигрәк тә табигый иҗат сәләтләре булмаган балалар өчен, әмма һәр балада нәрсәгә дә булса өйрәнү теләге бар.