«Спорт гаиләсе»
«Салават күпере буяулары» программасы кысаларында Түбән Каманың «Веста» гаиләгә һәм балаларга социаль ярдәм үзәге хезмәт буенча инструкторы Ләйсән Суниева 22 март көнне «Спорт гаиләсе» дигән төркемле дәрес үткәрде. Чара вак моториканы, иҗади сәләтләрне үстерү, карандашлар белән рәсем ясау, сәламәт яшәү рәвешен формалаштыру максатыннан үткәрелде. Дәрестә 7 балигъ булмаган бала катнашты.
Дәрес башында балалар белән сәламәт яшәү рәвеше, аның составы, физик күнегүләр һәм спорт файдасы турында сөйләштеләр. Аннары балаларга гаилә рәсеме ясау ысуллары турында видеодәрес күрсәтелде. Тәкъдим ителгән схема һәм традицион рәсем ясау ысулы буенча һәр катнашучы гади карандаш белән үз гаиләсен сүрәтләде һәм сәламәт яшәү рәвеше һәм спорт элементлары өстәде.
Рәсем иҗади башлангычны, форманы бәяләүне, киңлектә ориентлашу, төс хисен үстерергә ярдәм итә, киеренкелекне төшерә һәм кәефне күтәрә. Шулай итеп, эш барышында дәрестә катнашучылар гадәти рәсем ясау техникаларын гади карандаш, балавызлы акбурлар белән өйрәнделәр. Һәркем үзенең фантазиясен, игътибарлылыгын, иҗади фикерләвен күрсәтте.
Балалар бик шатлык һәм мавыгу белән вакытны үткәрделәр, килеп чыккан рәсемнәрдән канәгать калдылар.