«Тегүчелек эше»
18 нче март көнне «Тегүчелек эше» юнәлеше буенча хезмәт реабилитациясе кабинетында Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Ландыш Зарипова «Кием-салым бизәү өчен брошка ясау» дигән темага дәрес үткәрде. Фоамиран белән эшләү күнекмәләрен ныгыту, иҗади карашны үстерү максатыннан үткәрелгән чарада социаль хезмәт күрсәтүдә торучы 6 гаилә катнашты.
Дәрес барышында катнашучылар белгеч җитәкчелегендә Фоамираннан брошкалар ясадылар: башта макетлар әзерләделәр, аларны кистеләр һәм әзер шаблоннар буенча фоамираннан детальләр кистеләр. Бу аксессуар кием - салымны бизәү өчен һәрвакыт модада булып кала. Хатын-кызлар үзләренең фантазияләрен күрсәттеләр һәм чарадан бик күп уңай эмоцияләр алдылар.Чөнки үз кулларың белән эшләнгән әйберләр сатып алынганнан күпкә кыйммәтрәк, өстәвенә, дөньяда ул берәү генә - башка андый әйбер юк.