«Яктылыкны кире кайтаручы элементларны куллан»
16 нчы март көнне юл хәрәкәте иминлеген арттыру, юл-транспорт һәлакәтләрен һәм аларның авыр нәтиҗәләрен киметү буенча эш кысаларында Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Анжела Хәйрова «Юл хәрәкәте иминлеге» ДБУ вәкиле Илсөя Сафонова белән берлектә социаль куркыныч хәлдә булган 20 балигъ булмаган бала арасында «Яктылыкны кире кайтаручы элементларны куллан» дигән викторина үткәрде.
Очрашу башында балалар киемдә яктылык кайтаручы элементлар: брелок, өстәмәләр, тегүләр һәм аларның кирәклеге турында видеофильм карадылар. Балаларга фликер - үз киемнәреңә яки сумкага беркетергә мөмкин булган теләсә нинди яктылык кайтаргыч элемент, һәм аларны караңгы вакытта юлларда куллану мөһим, дип аңлаттылар. Соңыннан балаларга «Яктыртыл» викторинасында катнашырга тәкъдим ителде. Викторина нәтиҗәләре буенча һәр катнашучы “Транспорт” темасына рәсем ясау рәвешендә бүләк алды.
Дәрес ахырында белгечләр тагын бер кат барлык кешеләргә (җәяүлеләргә дә, машина йөртүчеләргә дә) юл хәрәкәте кагыйдәләрен үтәргә, ә җәяүлеләргә, һичшиксез, үз өстендә яктылык кайтаручы элементлар булырга тиеш, дип белдерделәр. Шулай гына үз тормышыңны һәм сәламәтлегеңне саклап калырга мөмкин.