«Җир ана – безнең төп йортыбыз» дип исемләнгән мавыктыргыч чара - "Югары-Утар психик тайпылышлары булган гражданнар өчен балалар интернат-йорты"

2022 елның 24 марты, пәнҗешәмбе

2022-нче елның 24-нчы мартында Югары Утар психик тайпылышлары булган гражданнар өчен балалар интернат-йортында тәрбияче Гилемханова Алсу Ринат кызы урта төркемдә «Җир ана – безнең төп йортыбыз» дип исемләнгән мавыктыргыч шөгыль үткәрде.

Шөгыль алдыннан тәрбияче Җир анабыз турында сөйләде, рәсемнәр күрсәтте. Балалар белән бергәләшеп табышмаклар чиштеләр, рәсемнәр буядылар.

Чараның максаты:

1. Балаларда Җир ананың – кешеләр һәм аларның әйләнә – тирәсендәге бар тереклек өчен уртак өебез булуын күзаллауны киңәйтү;
2.  Кешелекне, табигатьне һәм анда яшәүче тереклекне саклау хисен формалаштыру. Без - кешеләр-табигатьнең бер өлеше, шуңа күрә дә тереклек үсеше  өчен кирәк булган: Су, Кояш, Һава төшенчәләре белән тирәнтен таныштыру;
3. Табигатькә һәм әйләнә – тирәгә җаваплылык, сакчыл караш хисе тәрбияләү;

Балалар бик теләп, игътибар белән тәрбияченең табигать һәм аны саклау турында сөйләвен тыңладылар. Балалар бик актив булдылар. Алар бик күп уңай эмоцияләр алдылар, куелган максатка ирешелде. Балалар бик канәгать калдылар.