«Кыш фантазияләре»
Түбән Каманың «Веста» гаиләгә һәм балаларга социаль ярдәм үзәгенең хезмәт буенча инструкторы Ирина Кожевникова «Кыш фантазияләре» дигән темага төркемле дәрес үткәрде. Чарада социаль хезмәт күрсәтелүче, шул исәптән мөмкинлекләре чикле 6 балигъ булмаган бала катнашты. Чараның максаты-иҗади потенциалны активлаштыру, вак моториканы, танып-белү фикерләвен үстерү, хезмәт сөючәнлекне формалаштыру.
Дәрес «Кыш» темасына табышмаклар чишүдән башланды. Балалар соңыннан рәсем ясарга кирәк булган төп моментларны билгеләп үттеләр: карлы агачлар һәм куаклар, кар көртләре, буран һ.б.
Эш башланыр алдыннан гуашь белән рәсем ясау ысулларын һәм алымнарын кабатладылар. Инструктор ни өчен берничә пумала кирәк икәнлеген һәм эшне кайсы өлештән башларга икәнен аңлатты. Дәрес барышында физминуткалар үткәрелде, катнашучыларга ял итәргә һәм хәрәкәт итәргә мөмкинлек бирелде.
Чара тәмамланганнан соң, балалар үз картиналарын күрсәттеләр һәм кышка табигать ничек әзерләнүе, кошларыныңкышка кая очуларын, калган кошлар һәм кыргый җәнлекләрнең ничек кышлавы турында сөйләделәр.