Дөнья чемпионы
Зәй муниципаль районы гаиләгә кирәкле ярдәм бирүне, тормыш сыйфатын күтәрүне, гаилә һәм баланы саклау максаты белән гаиләгә социаль ярдәм күрсәтү технологияләрен гамәлгә ашыруны дәвам итә.
Шәһәрнең социаль бүлекләрендә балалар һәм аларның ата-аналары өчен чаралар ведомствоара дәрәҗәдә оештырыла. Әйтик, 17 гыйнварда «Космос» муниципаль бюджет учреждениесе традицион рәвештә кунакларны үзенә чакырды. Чарада «Радость» үзәгенең гаиләгә һәм балаларга социаль ярдәм күрсәтү бүлеге хезмәткәрләре катнашты.
Очрашу барышында тулы метражлы «Дөнья чемпионы» фильмы күрсәтелде - Режиссер Алексей Сидоровның 1978 елгы шахмат буенча дөнья чемпионы исеме өчен матч турында сөйләүче Россия драма фильмы. Бу фильм шахмат тарихында иң драматик һәм легендар бәйге: гамәлдәге дөнья чемпионы Анатолий Карпов белән әлеге титулга дәгъва кылучы – СССРдан моңа кадәр берничә ел элек эмиграцияләнгән гроссмейстер Виктор Корчный арасында дөнья чемпионы исеме өчен матч турында. Фильмны карау алдыннан балалар һәм ата-аналар алдында физик культура, спорт һәм туризм идарәсенең әйдәп баручы белгече М.И.Расторгуева чыгыш ясады. Ул чарада катнашучыларга Зәй муниципаль районының мәдәни - ял итү эшчәнлеге кысаларында спорт объектлары, секцияләр һәм түгәрәкләр турында сөйләде, шулай ук барлык теләүчеләрне дәресләргә чакырды.
Фильм зур кызыксыну уятты, балалар төп геройларга чын күңелдән борчылдылар, ә кайберләре шахмат клубына язылырга булдылар.