«Теләкләр чынга аша»
28 декабрь көнне 11 нче социаль участокта Түбән Каманың «Веста» гаиләгә һәм балаларга социаль ярдәм үзәге белгече Әлфирә Юнысова «Игелек буыны» отряды волонтерлары белән берлектә «Теләкләр чынга аша» дигән яңа ел акциясе уздырдылар. Әлеге чара социаль хезмәт күрсәтү учреждениеләрендә торучы 2 бала өчен бәйрәм кәефе һәм уңай эмоцияләр булдыру максатыннан үткәрелгән.
Быел бәйрәм чараларына бара алмаган балалар янына тылсымлы бәйрәм турыдан-туры өйгә килде! Кар Кызы балаларны якынлашып килүче бәйрәм белән котлады һәм татлы Яңа ел бүләкләре тапшырды. Балалар Кар Кызы һәм бүләкләрне күргәч кичергән хис-тойгыларын аңлату мөмкин түгел иде. Алар кунаклар белән очрашуга бик шат булдылар. Ата-аналар алган якты һәм онытылмаслык хис-кичерешләр өчен зур рәхмәт белдерделәр.
Мондый акцияләр балаларга игелекнең бер өлешен генә китереп калмыйча, катнашучыларның үзләрен дә рухи яктан баета.