«Балачак иминлеге»
Социаль эш буенча белгеч Ольга Луб һәм психолог Диләрә Корягина 16 нчы декабрь көнне Түбән Каманың «Веста» гаиләгә һәм балаларга социаль ярдәм үзәгендә «Балачак иминлеге» Бөтенроссия акциясе кысаларында «Светофор»дигән төркемле дәрес үткәрделәр. Чара балаларның юл йөрү кагыйдәләре турында белемнәрен ныгыту һәм системалаштыру, фикерләүне, игътибарны, әйләнә-тирәлеккә ориентлашу күнекмәләрен үстерү, җаваплылык хисе тәрбияләү максатыннан үткәрелде.
Дәрес башында катнашучылар светофор турында “Барысын да белергә телим!” дип аталган мультфильм карадылар. Аның ярдәмендә балалар үз белемнәрен яктырта, ә аннары башка катнашучылар белән уртаклаша алдылар. Соңыннан балалар җәмәгать транспорты темасына табышмакларга җавап бирделәр, юл йөрү кагыйдәләре турында кроссвордлар чиштеләр. Юл тамгасы пазлын җыйганда кыенлыклар килеп чыкты, әмма белгеч ярдәмендә барлык укучылар да бу бурычны үтәделәр. Аннары катнашучылар физкультминутка үтәделәр, анда белгеч артыннан төрле хәрәкәтләрне кабатладылар һәм «Светофор» уенында уйнадылар: "Яшел төскә атладылар, сары төскә кул чаптылар, кызыл төстә катып калдылар. Хәтта алып баручы да катнашучыларны бутый алмады.
10 балигъ булмаган бала булган дәрес кызыклы, танып-белү һәм мавыктыргыч үтте. Белгечләр тагын бер кат катнашучыларга юл хәрәкәте кагыйдәләрен үтәү кирәклеге турында искәрттеләр.