«Минем туган көнем»
Инвалидлар декадасы кысаларында 10 нчы декабрь көнне Түбән Кама «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Ләйсән Суниева Түбән Кама медицина көллияте волонтерлары белән берлектә «Минем туган көнем» дигән акция уздырдылар. Акция кысаларында авыр дәрәҗәдә сәламәтлекләре чикләнгән балалар өчен өйдә социаль-анимацион тамашалар үткәрелә.
Һәр бала өчен туган көн-ул дулкынлану, күңелле сюрпризлар һәм бүләкләр турында хыяллар белән көтә торган төп бәйрәм. Волонтерлар юбилярга «Белгеч», «Акыл иясе» һәм «Килбәтсез» клоуннары рәвешендә килделәр. Тамаша барышында «Килбәтсез» клоунының бүләкне яшерүе һәм аны бирәсе килмәве ачыкланды. Клоуннар хайваннар турында табышмакларга җавап бирделәр, шул ук вакытта әкиятләр өчен карточкалар кулландылар, бала һәм аларның әти-әниләре белән уеннар үткәрделәр, «Туган көнең белән сине» җырын җырладылар, җылы теләкләр әйттеләр һәм ахырда бүләк тапшырдылар.
Өлкәннәр һәм балалар бәйрәм һәм күңел ачу дөньясына чумдылар, бик күп уңай эмоцияләр алдылар. Әти-әниләр балалар өчен күрсәтелгән игътибар һәм бәйрәм кәефе өчен бик рәхмәтле булдылар.