«Гномлар эштә»
Инвалидлар декадасы кысаларында Түбән Каманың «Веста» гаиләгә һәм балаларга социаль ярдәм үзәгенең социаль педагогы Олеся Минһаҗетдинова 9 декабрьдә социаль хезмәт күрсәтүдә торучы, шул исәптән мөмкинлекләре чикле балаларны, «Восход» кинотеатрына мультфильм карарга алып барды. Әлеге чараның максаты булып балигъ булмаганнарның мәдәни ялын оештыру, уңай кәеф булдыру торды.
Балаларга «Гномлар эштә» дип аталган мультипликацион фильм күрсәттеләр. Бу сюжет балаларга бик ошады, чөнки кечкенә гномнар күп еллар дәвамында кешеләргә көнкүрештә булышалар: өйне саклыйлар, ашарга әзерлиләр, көн саен кул эшләрен башкаруны җиңеләйтә алырлык төрле хәйләләр белән уртаклаштылар. Алар шулай ук яшь кызга үз хыялларын тормышка ашырырга - чын кондитер булырга булыштылар.
Балалар кинотеатрдан канәгать калдылар, бик күп уңай эмоцияләр алдылар һәм көн буена күтәренке кәеф белән таралыштылар. Ата-аналар һәм үзәк белгечләре «Восход» кинотеатры администрациясенә хезмәттәшлек һәм мавыктыргыч мультфильм карау мөмкинлеге өчен рәхмәт сүзләре җиткерделәр.