«Билгесез солдат көне»
3 нче декабрь көнне хәрби тарихның истәлекле даталары кысаларында Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Анастасия Ильина «Билгесез солдат көне» дигән темага дәрес үткәрде. Чара патриотизм, үз ватаныңа мәхәббәт тәрбияләү, үз илеңнең тарихи-әдәби мирасы белән танышу, үз халкыңның героик үткәненә, саклаучыларның батырлыгына хөрмәт тәрбияләү максатыннан үткәрелде.
Белгеч дәресне 3 декабрьдә Билгесез солдат хөрмәтенә истәлекле көнне әле күптән түгел генә, 2014 елдан бирле билгеләп үтә башлаулары турында сөйләүдән башлады. Ул сугышларда һәлак булган барлык Россия сакчыларына багышланган. Видеофильм караганнан соң яшүсмерләр «3 декабрь» көненең юкка гына сайланмавын белделәр.1965 елда, Мәскәү астындагы сугышта немец - фашист илбасарларын тар-мар итүнең чирек гасыры билгеләп үтелгән көнне, Александровский бакчасына Кремль дивары каршында Россия башкаласын саклаганда һәлак булган һәм Яшел Үзән районында җирләнгән Билгесез солдат җәсәдләрен күчерәләр. Шул вакыттан бирле 3 декабрьдә Ватан өчен һәлак булган, исемнәре билгеле булмаган сугышчыларны искә алу кабул ителде. Алар илебез территориясендә һәм чит илләрдә хәрби конфликтларда гомерләрен биргән.
Алынган материалны ныгыту өчен белгеч балалар белән әлеге тема буенча викторина үткәрде һәм тагын бер кат аларга үз иленең хәрби тарихын белергә һәм аны саклаучыларны искә алырга кирәклеген искәртте.