«Матурлык көне»
Инвалидлар декадасы кысаларында 2 нче декабрь көнне Түбән Каманың «Веста» гаиләгә һәм балаларга социаль ярдәм күрсәтү үзәгенең социаль эш буенча белгече Миләүшә Авзалова «Чәчтараш эше» юнәлеше буенча хезмәт тернәкләндерү кабинетында «Матурлык көне» дигән чара үткәрде. Әниләрне үз балаларына прическлар ясарга өйрәтү, балаларга үз потенциалын ачарга, матурлыкларын, үз-үзләрен күрсәтү, инвалид балаларның социаль адаптациясен күрергә мөмкинлек бирү максатыннан оештырылган чарада 6 мөмкинлекләре чикле бала һәм аларның әти-әниләре катнашты.
Дәрескә килгәч, катнашучылар «Матурлык остаханәсе»нә керделәр, анда матур прическа ясарга, чәч үрергә өйрәнеогә, тырнакларны тәртипкә китерергә һәм җиңел макияж ясарга мөмкин иде. Башта белгеч экранда һәр көнгә җиңел һәм матур прическалар ясарга өйрәтүче видеороликлар күрсәтте, аннан соң әниләргә шунда ук үз кызларына әлеге прическаларны ясап карарга тәкъдим ителде. Шуннан соң чакырылган профессиональ чәчтараш тасмалар белән чәч үрү буенча мастер-класс күрсәтте. Бик матур прическалар килеп чыкты, балаларга үз чәчләрен экспериментлау бик ошады. Шул ук вакытта тәҗрибәле визажист-мастер җитәкчелегендә тырнакларны бизәргә, ялтыравыклар һәм наклейкалар белән бизәргә, күзләрне буярга, битләрне алсулатырга була иде.
Балалар бик теләп “Матурлык остаханәсендә” вакытны үткәрделәр. Очрашу ахырында балаларга чәчләрне карау буенча зур булмаган бүләкләр тапшырылды, аларны чакырылган кунак-визажист әзерләгән иде. Дәрес чәй өстәле артында тәмамланды, ата-аналар һәм балалар мондый бәйрәмне оештырганнары өчен рәхмәт белдерделәр.