«Игелек юлы»
«Гаилә» үзәге тарафыннан РФ Президенты грантына тормышка ашырыла торган «Игелек юлы» социаль склады проектын тормышка ашыру эше тәмамланды. Проект авыр тормыш хәлендә калган, авыл җирендә яшәүче кешеләрне социаль яклауга юнәлдерелгән иде. Түбән Каманың «Веста» гаиләгә һәм балаларга социаль ярдәм үзәге проектның партнерларыннан берсе булып торды, үзәк белгечләре аны тормышка ашыруда ярдәм иттеләр.
Проектны тормышка ашыру барышында белгечләр тарафыннан шәһәр һәм район халкы арасында мәгълүмати-агитация эше үткәрелде: шәһәр халкына «гаилә» коммерцияле булмаган автоном оешмасында булган социаль складка әйберләрне тапшыру мөмкинлеге турында хәбәр ителде, ә Түбән Кама районында яшәүчеләр кирәкле әйберләрне бушлай алу мөмкинлеге турында белделәр. Проект ахырында авыл җирлекләренә кураторлык итүче «Веста» үзәге белгечләре «Игелек юлы» проекты ярдәмендә авылда яшәүче гражданнарның тормыш сыйфатын яхшырту буенча анкеталау уздырдылар.
Авылда яшәүче мохтаҗ гражданнар: күп балалы гаиләләр, ялгыз аналар, тол хатыннар, пенсионерлар, инвалидлар һәм авыр тормыш хәлендә калган кешеләр, шул исәптән «Веста»Үзәгендә социаль хезмәт күрсәтелүчеләр да,матди ярдәм ала алдылар, ә янга калдырылган акчаларны башка максатларда куллана алдылар. Проект нәтиҗәсе бер булды-бу социаль хезмәткә ихтыяҗ зур һәм кешеләргә ул бик кирәк.
«Гаилә» үзәге һәм «Веста» үзәге халыкның тормыш дәрәҗәсен күтәрү һәм сыйфатын яхшырту белән кызыксыналар. Бу максат өчен РФ Президенты грантына «Игелек юлы» проекты тормышка ашырылды.